Home » Во фокусот » Кампања на Ogilvy Berlin против реизданието на Хитлеровата Mein Kampf во Германија

Кампања на Ogilvy Berlin против реизданието на Хитлеровата Mein Kampf во Германија

Озлогласената книга Mein Kampf (‘Мојата борба’) на Адолф Хитлер оваа година беше за прв пат реиздадена после 1945 година – откако изминаа издвачките права на Владата на Баварија.

Очекувано, нејзиното појавување предизвика многу реакции. Се појави и моќен одговор од берлинската канцеларија на Ogilvy & Mather, која издаде конкурентна книга – Mein Kampf gegen Rechts (Мојата борба против расизмот), во обид да се бори против десничарскиот екстремизам и нетолеранцијата.

Кампањата на Ogilvy истакнува 11 различни индивидуи кои се бореле против ксенофобијата и неправдата. Меѓу нив се и Моше Даган, преживеан од концентрационите логори на смртта, Вана Лимар, поранешна бегалка од Авганистан (сега водител на MTV) и Ирмела Менса-Шрам, која го посветила својот живот на отстранување на нацистички графити каде и да ги пронајде.

Последната, белокоска баба, која отстранила повеќе од 100 000 нацистички слогани во изминатите 30 години, е особено меморабилна фигура во видеото на проектот, истакнувајќи “Сакам да ја уништам омразата” додека држи спреј во едната рака и четка во другата.

Поради кризата со имиграцијата и бегалците, Германија се соочува со голем раст на десничарскиот екстремизам и отворен расизам секојдневно”, изјави Тим Стубен, извршен креативен директор на Ogilvy Berlin и лидер на проектот, додавајќи: “На минатите избори, една нова екстремистичка партија доби 24% од гласовите. Сето ова е многу болно да се гледа. Моравме да направиме нешто против тоа, но што? Кога разбравме дека Mein Kampf на Хитлер ќе биде републикувана, помисливме – целосно погрешен сигнал во овој период. Нашиот проект има за цел да ја земе концепцијата на зборовите Mein Kampf од нацистите и преку нив да создаде спектакуларен тригер за ПР-от и социјалните медиуми да зборуваат за моменталната ситуација во германското опшество.”

Таа мисија е во голема мера остварена. Книгата на Ogilvy допри ‘нерв’ во Германија. Првичниот тираж од 11 000 е скоро распродаден, а по 1 евро од секоја продажба оди на Gesicht Zeigen, непрофитна организација која се бори против неправдата во опшеството. Кампањата предизвика и големо внимание од медиумите и предизвика широка дебата, а од Ogilvy се надеваат дека Mein Kampf gegen Rechts (Мојата борба против расизмот) ќе ја претворат во Unser Kampf gegen Rechts (Нашата борба против расизмот).

ogilvy-mein-kampf-1 ogilvy-mein-kampf-3 ogilvy-mein-kampf-hed-2016

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365