Како дел од рекламниот блок за време на Супербол, некои реклами се истакнаа и издвоија. Погледнете го изборот на најдобрите реклами според мислењето на креативните директори на агенциите McCann во рамките на I&F Група, заедно со кратко објаснување на нивниот избор.
Амела Барлов, арт директор, McCann Сараево
“Michelob ULTRA – Robots” е мојот фаворит. На брутален и оригинален начин е прикажано дека животната перфекција не вреди, ако не знаеме да уживаме во животот. Супер реклама и кратка, што ми се допаѓа, а се` е кажано.
https://www.youtube.com/watch?v=nNfv9wsttKE
Анука Путонен, креативен директор, McCann Хелсинки
Моја омилена е рекламата на Вашингтон Пост со Том Хенкс. Причината за тоа е фактот што имаме светски лидери кои ја обвинуваат слободата на печатот за ширење на лажни вести, па важно е да се потсетат луѓето дека постојат новинари кои ги дадоа своите животи во одбрана на правото на народот да се слушне вистината. Моќна кампања!
Даниел Вуковиќ, креативен директор, McCann Загреб
“100 Billion Words by Google” – Покрај сите кампањи, кои се обидуваат да забавуваат, да шокираат, да се наметнат со необичноста или скапите славни личност, Google својата кампања ја темели на својата функционална услуга и еден вистински факт кој е прекрасен сам по себе и претставува надеж за сите луѓе дека светот може да стане подобро место
Џемил Омерика, сениор графички дизајнер, McCann Сараево
„Devour“ – На интересен начин е прикажана зависноста од храна.
Газменд Пињоли, креативен директор, McCann Тирана
“Microsoft: We All Win” – Прво емотивно ве допира, а потоа брендот дава значајна цел/улога и предизвик за решавање.
https://www.youtube.com/watch?v=_YISTzpLXCY
Џозефин Ричардс, креативен директор, McCann Стокхолм
Мојата омилена Супербол кампања мора да биде Skittles – мјузиклот. Ако сакате да ставите луда количина енергија на брендот во 30 секунди, зошто не би ја ставиле во 30 минутна Бродвеј емисија?
https://www.youtube.com/watch?time_continue=35&v=1nIJCtq9KOk
Сандра Вујовиќ, креативен директор, McCann Подгорица
„The 100-Year Game“ – Зошто? Првенствено затоа што ја истакнува разликата помеѓу “работата“ и “животниот повик”. Само животниот повик може да се работи со голема страст и уживање, без оглед на времето и местото и станува наш начин на живот.
Владимир Ќосиќ, дигитален креативен директор, McCann Белград
„Not Everything Makes the Cut“ – Значи, за разлика од многу брендови кои се обидуваат лажно да се претстават како скромни, емотивни, полни со разбирање, вистинити, искрени и топли за да ни ги продадат нивните производи, Амазон направи еден сет на реклами со познати личности и преку авто-иронија направи супер забавен спот.
https://www.youtube.com/watch?v=8y-1h_C8ad8