Home » Во фокусот » NEM 2018: Регионот на Централна и Источна Европа е помеѓу водечките во конзумација на ТВ

NEM 2018: Регионот на Централна и Источна Европа е помеѓу водечките во конзумација на ТВ

Вториот ден од NEM 2018 година го стави регионот на Централна и Источна Европа на картата на ТВ индустријата – ова слободно можеме да го заклучиме откако ги слушавме панелистите и нивните податоци за овој дел од светот. Исто така, можевме да видиме како една содржина може да стане поголема од својата изворна идеја, особено кога станува збор за Дојче Телеком, National Geographic и ТВ серијата “Skam“.

Различните медиуми не треба да се сметаат за непријатели, бидејќи се подобруваат меѓусебно

Првиот панел на денот – “Игра на pay TV и дигиталната содржина – почна со истакнување дека регионот на Централна и Источна Европа, иако не е премногу атрактивна област, во последните 12 до 18 месеци, покажа дека во голема мера напреднал кога станува збор за pay TV каналите. На прашањето за важноста на содржината, Салим Мукадам, генерален менаџер и потпретседател на БиБиСи за Централна и Источна Европа, изјави дека “луѓето се платформски агностични и одат онаму каде што е содржината”. Фокусот на NEM 2018 година на локално произведената содржина го потврди Катарина Бехрендс, главен директор на NBCUniversal за Централна и Источна Европа, посочувајќи дека pay TV каналите треба да се прилагодат на локалните заедници. Важноста на продукцијата ја препозна и Sony Pictures Television Network, чиј генерален директор Џон Роситер рече дека во последните две години од нула часови продуцирана содржина достигна до дури 300 часа.

Платформите кои соработуваат со продукциските студија би можеле да ја претставуваат иднината, заклучи Роситер. Моќта на дигиталното уште еднаш беше потврдена и во случајот на Epic Dramа на Viasat, новиот драмски канал лансиран во декември, за што зборуваше потпретседателот за комерцијални работи на Viasat, Ема Џонс. Потребата за премин од традиционалниот пристап на содржината за Бартоз Витак, генералниот директор на Viacom за регионот на Централна и Источна Европа и Израел, едноставно е приоритетна. Витак напомена дека нордиските земји во тој поглед апсолутно предничат – кај повеќе од 60% од публиката на возраст помеѓу 15 и 24 години, повеќе од 60% од потрошувачката отпаѓа на нелинеарна содржина.

AMC Networks International исто така, сведочи за постојан пораст на SVOD (Subscription video on demand) од 2010 година, потврдувајќи го како важен дел од нивниот бизнис модел. “Моменталниот pay TV модел несомнено не е мртов. Тој е добар и ќе продолжи да биде важен за нас, но мораме да ги држиме очите отворени (…), бидејќи инвестициите кои за земјите како Германија се чинат мали, за регионот на Централна и Источна Европа може да бидат огромни”, изјави Левенте Малнеј од AMC, сумирајќи го своето 20-годишно искуство во регионот.

Огласување: Кога е премногу” е прашањето што на истоимениот панел им беше поставено на експертите за огласување. Срѓан Шапер, основач и директор на I&F McCann група, објасни дека телевизијата е емоционален медиум и тоа во голема мера се должи на ТВ рекламите кои “навистина го градат брендот, бидејќи публиката ги доживува најемотивно  (…) Кога гледаме ТВ, не ги прескокнуваме рекламите, бидејќи тие се дел од нашата пријатна зона, дел од искуството на гледање“. Тој заклучи дека низ историјата на медиумите, новите медиуми не ги пензионираа старите медиуми – телевизијата не го замени радиото, а дигиталниот свет всушност придонесе за ефикасноста на традиционалната телевизија.

Важноста на ТВ огласувањето може да се истакне од статистичките податоци кои ги презентираше Алида Жорж Микетек, директор на AGB Nielsen Audience Measurement Хрватска: телевизијата ги надминува сите други медиуми во однос на вкупниот профит од огласувањето и во однос на рентабилноста. Од демографско таргетирање се преминува на функционално, како што е прикажано во соработката меѓу Нилсен и CBS, кои почнаа да ги користата податоците од Smart TV за промена на начинот на таргетирање на публиката. Иако пазарите се разликуваат на локално ниво, Дирк Геркенс, извршен директор на TV2 Медиа Груп, потврди дека со откажување од огласувањето, нема да се добие повеќе гледачи и дека за зголемувањето на популарноста, најзаслужни се социјалните мрежи. Гај Бисон, директор за истражување во Ampere Analysis, заклучи дека ТВ-индустријата треба да организира и брзо да најде решение за огласување, бидејќи “има две главни компании кои контролираат 70% од онлајн рекламирањето, во однос со илјадници различни канали и затоа овие компании многу лесно воведуваат промени “.

Панелот посветен на “малите шефови“, се однесуваше на барањата на децата во врска со содржината и нивната достапност. Во моментов, во светот постојат 2000 платформи на барање, за деца, а во употреба се 10,3 милијарди уреди од кои им се пристапува. Николас Волтерс, директорот Hopster, SVOD платформа за децата од предучилишна возраст, истакна дека детските апликации, најважно е на децата да им обезбедат активно и интерактивно искуство. “Идејата дека децата не може да се снајдат во апликациите, доаѓа од оние кои не дизајнираат за деца.” Даниел Рецка на Viacom International Media Networks ги издвои Nickelodeon, NickJunior и NickTunes како најсилни брендови на Viacom и истакна дека нивната цел е да се подигне свеста на родителите дека содржината не служи само за забава, туку и за едукација.

Фердинанд Хабсбург, директор на компанијата Da Vinci Media, изјави дека неговата платформа во моментов има 30 милиони претплатници на возрасна група од 6-10 години. Тој заклучи дека едукацијата е секогаш тешко да се продаде, но потенцијал за таа да се претвори во пари, сепак постои, при што истакна дека и операторите мора да работат на развојот на подобри интерфејси.

Дојче Телеком како лидер во регионот на Централна и Источна Европа

Анет Шефер, потпретседател на ТВ бизнис процеси за Европа во Дојче Телеком објасни дека европскиот пазар го гледаат поинаку од германскиот.  Најголем предизвик со кој моментално се соочува Дојче Телеком – со своите 4,3 милиони претплатници во регионот – е променливото однесување на корисниците. Анет истакна: “Како оператор, се фокусираме на употребливоста – можеби не сме Netflix, но сме многу блиску и се стремиме на своите корисници да им го олесниме доаѓањето до содржината која ја сакаат и кога сакаат.” Коментирајќи ги понатамошните планови на Дојче Телеком, Шефер истакна дека нивната намера е да се фокусираат да допрат до женската публика и да воведат нови формати.

Норвешката веб-серија “Skam“, која и покрај фактот што норвешки зборуваат само 0,1% од светската популација, од почетокот на емитувањето во 2015 година ги освои срцата на гледачите низ целиот свет, исто така имаше своја презентација на овогодинешниот NEM. “Скандинавија е лидер во стримингот, а “Skam” е дел од тој бран”, објасни продуцентот на серијата Хакон Мослет. Занимавајќи се со теми кои се контроверзни и за младите и за возрасните, како што се силување, социјална изолација и живеење на припадниците на муслиманското малцинство во западниот свет, “Skam” стекна огромна база на обожаватели благодарение на кои таа функционира повеќе како континуиран глобален настан, а не како конвенционална серија, обликувајќи ја работата според коментарите, текстовите и Инстаграм –приказните на обожавателите, вклучувајќи ги и нивните уметнички дела во самата серија. Учесниците на NEM дури имаа можност да ја погледнат првата и третата епизода од серијата.

Вечната сила на National Geographic

Како да се модернизира бренд стар 130 години, објасни Кристијан Брент, виш потпретседател за глобалното истражување и стратегија на National Geographic. NatGeo е основана во 1888 година како компанија за истражување за луѓето кои бараат авантура и знаење за светот, а денес достигнува до повеќе од 100 милиони луѓе, поврзувајќи ги различните култури и обликувајќи ја животната средина и природата. NatGeo, исто така, има најмоќна дигитална присусутност со најголем органски ангажман меѓу ТВ каналите, главно благодарение на промоција на вредностите кои наоѓаат одглас кај помладата публика и заради нејзиното фотографско наследство. Соработува со некои од најпознатите луѓе на денешницата, како што се Елон Маск, Леонардо ди Каприо и Вил Смит. Покрај тоа, луѓето имаат многу доверба во NatGeo – 98% од луѓето веруваат во нивните информации, додека 59% имаат позитивно чувство за партнерство ако тоа е непосредно поврзано со National Geographic. Брент покажа дека науката, истражувањето и раскажувањето приказни, може да го сменат светот и да изградат силна заедница.

Динамичниот втор ден од NEM 2018 година беше полн и со можности за вмрежување, меѓу кои и кафе паузата со Viacom “Happy Hour” и дегустација на вино со Pickbox во соработка со винаријата Jakovac. Денот заврши со ексклузивна и традиционална забава под покровителство на Eutelsat, еден од најверните спонзори на NEM. За повеќе информации за NEM 2018,  посетете ја страната: http://neweumarket.com/agenda-2018/.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365