Home » Во фокусот » Огласувачите ќе инвестираат 66 милијарди долари во спонзорства оваа година

Огласувачите ќе инвестираат 66 милијарди долари во спонзорства оваа година

WARC го објави својот извештај Global Ad Trends, со фокус на спонзорството

Се очекува огласувачите оваа година да инвестираат вкупно 66 милијарди долари на спонзорство, иако помалку од една петтина од нив веруваат дека навистина можат да го измерат повратот на нивната инвестиција.

Овие и други клучни наоди се дел од најновиот месечен извештај за глобалните трендови во огласувањето, овојпат со фокус на спонзорството, составен од страна на WARC.

Се очекува пораст од 4,9% на вложувањата на брендовите во спонзорствата, вклучувајќи ги и правата, но со исклучок на активациите, со што вредноста на овие глобални инвестиции ќе достигне 65,8 милијарди долари. Спонзорствата растат побрзо од сите други платени медиумски канали, со исклучок на интернет форматите.

Најголемиот дел од оваа вредност се однесува на Северна Америка (36,8% или 24,2 милијарди долари), по што следуваат Европа (26,7% или 17,6 милијарди долари), Азија-Пацифик (25,2% или 16,6 милијарди долари), Латинска Америка (7,0% или 4,6 милијарди долари), а потоа Блискиот Исток и Африка (4,3% или 2,8 милијарди долари).

Повеќето од овие пари одат на спортски настани. Меѓу нив се и ФИФА Светското првенство во Русија, за кое се верува дека привлече спонзорства во вредност од 1,7 милијарди долари. Во времето на општа фрагментација, спортот нуди голема ангажирана и повеќеслојна публика. На пример, Светското фудбалско првенство оваа година беше најпопуларен спортски настан во историјата. ТВ е сеуште крал кога станува збор за спортски настани во живо, а натпреварите од Светското првенство досегнаа до 44% од светското население преку телевизија.

Генерирањето на свеста за брендот е најважна цел на спонзорските кампањи. Ова го покажува посебното истражување на WARC спроведено во рамките на извештајот WARC 100, во кој се заклучува дека 61% од успешните кампањи ја наведуваат свеста за брендот како фундаментална цел. Ова укажува на тоа дека спонзорствата играат иста улога како и масовните медиуми и се вклопуваат во маркетинг планот (создавање свест и размислување).

Само 19% од стручњаците за спонзорства веруваат дека навистина можат да го измерат повратот на вредноста на спонзорствата кои ги превземаат. Понатаму, само 37% од нив имаат стандардизирана постапка за мерење спонзорство.

Двете најчесто користени алатки за евалуација се мерењата на дигитал и социјалните медиуми. Сепак, Здружението на национални огласувачи (ANA) наведува дека метриките на социјалните медиуми често создаваат “збунувачка бучава” поради нивната слаба поврзаност со вистинската продажба.

Социјалните мрежи се број еден спонзорски канал за спонзорство за 83% од пазарот. Сепак, преовладува мислењето дека автентичното активирање на спонзорството преку социјалните мрежи е сеуште предизвик.

Можеби токму поради горенаведеното, активноста на пазарот за активирање на спонзорството преку искуствени настани во живо се зголеми за две третини (65%) во изминатата година.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365