Home » Digital » Основачите на Инстаграм ја напуштаат компанијата

Основачите на Инстаграм ја напуштаат компанијата

Основачите на Инстаграм, Кевин Систром и Мајк Кригер, одлучија да ја напуштат компанијата. Двоецот веќе поднесе оставка на функцијата главен извршен директор и главен директор за технологија и објави изјава со која ја објаснуваат својата одлука на веб страницата на компанијата.

„Мајк и јас сме благодарни за изминатите осум години поминати во Инстаграм и шесте години во тимот на Фејсбук. Од само 13 луѓе пораснавме на повеќе од илјада, со канцеларии во целиот свет, а сето тоа го псотигнавме градејќи производи кои ги користат и ги сакаат повеќе од милијарда луѓе во светот. Планираме некое време да се посветиме на истражување на нашата љубопитност и на креативноста. Градењето нови нешта значи  да застанеш, да сфатиш што те инспирира и тоа да го споредиш со потеебите што постојат. Тоа е она што планираме да го направиме“ напиша Систром.

Компанијата многупати ја проценуваа на 1 милијарда долари и токму толку плати Цукерберг за да ја купи. Сега истата има повеќе од 1 милијарда корисници од целиот свет и е дефинитивно најуспешната аквизиција на Фејсбук. Растот од 2012 година наваму во најголем дел се должи на визијата на Систром и Кригер, на стратешкото искористување на ресурсите од Фејсбук и на волјата агресивно да се натпреваруваат со Снепчет.

„Кевин и Мајк се неверојатни продукт лидери и Инстаграм е одраз на нивните креативни таленти. Изминативе шест години научив многу работејќи со нив. Им посакувам се најдобро и со нетрпение очекувам да видам што ќе направат наредно“ изјави Цукерберг.

Заминувањето на Систром и на Кригер од компанијата може негативно да се одрази на способноста на социјалната мрежа да ја контролира кризата со мешањето во изборните резултати, лажните вести и перцепцијата на јавноста за Фејсбук дека повеќе не е здрава за општеството и за демократијата.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365