Home » Во фокусот » Откриена тајната на најпопуларното јајце на светот

Откриена тајната на најпопуларното јајце на светот

Неколку недели откако стана најпопуларна фотографија на Инстаграм, јајцето кое ја победи Кајли Џенер и го надмина рекордот на Инстаграм, сега испрати важна порака за менталното здравје.

На телевизискиот канал “Hulu”, се појави едноминутна реклама со јајцето која испраќа силна и креативна порака за менталното здравје и ја нагласува важноста од барањето помош кога ќе поминете низ тежок период, објави ABC News.

Во видеото јајцето вели: “Почнувам да пукам поради притисокот на социјалните медиуми.”

Видеото заврши со линк до Mental Health America, непрофитна организација посветена на помагање на луѓето кои се борат со ментални болести.

Оригиналната слика на јајцето беше објавена на Инстаграм на 5 јануари, повикувајќи ги на корисниците заедно да постават светски рекорд и да го соборат рекордот на тогаш водечката фотографија на Кајли Џенер со новороденото бебе. За само 10 дена, јајцето постави нов рекорд од 23 милиони лајкови, а моментално има 52 милиони лајкови.

Зад инстаграм профилот на јајцето наводно стои Крис Годфри, кој работи за рекламната агенција The&Partnership во Лондон.

Секако, целата приказна за јајцето е одличен маркетинг потег, а најпопуларниот пост на Инстаграм е искористен за да се потенцира важноста на нешто што е сè уште табу тема –грижата за менталното здравје.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365