Home » Во фокусот » T-мобиле engagement банер кампања

T-мобиле engagement банер кампања

Главната придобивка на онлајн огласувањето е мерливоста на резултатите и можноста за поврзување на продажните активности со преземените активности за огласување. Денеска ја разгледуваме студијата на случај за последната рекламна кампања на Т-Мобиле, чија цел беше продажба на телефони од залихата ексклузивно преку нивната е-продавница. Кампањата траеше шестнаесет дена (од 24.12.2013 до 08.01.2014) и беше активна на www.idividi.com.mk.

За кампањата беше искористен иновативниот формат на огласување понуден од Httpoolengagement банер, во кој беа графички прикажани трите модела телефони кои беа на продажба и беше овозможено заинтересираните да кликнат и да бидат однесени директно на продажниот URL на соодветниот производ на веб продавницата на Т-Мобиле. Успешноста на кампањата се огледа и во тоа што поради распродавањето на еден од моделите, имаше потреба и за креирање на нова визуелна креатива за банерот во текот на кампањата.

Engagement банерот се состоеше од две компоненти:

–          Првичниот (teaser) оглас: 728×180 пиксели, кој се појавува во долниот дел на сајтот.

На првичниот банер накратно е пренесена главната порака и мотивот за кликање (купување на телефони исклучиво онлајн).

–          Главниот оглас, кој се појавува штом посетителот повеќе од 2 секунди го држи покажувачот од глувчето на првичниот оглас. Главниот оглас се развлекува од првичниот на површина од 990×515 пиксели, при што визуелно беа прикажани трите модели на продажба, придружени со линкови до е-продавницата.

Еве како изгледаше сето тоа:

Слика 1 – Првичен (тизер) банер

 Првичен банер (teaser) на идивиди

Слика 2 – главен оглас

Главен оглас engagement banner

Слика 3 – главен оглас – ажурирана креатива по целосната продажба на првиот модел

engagement банер, Т-мобиле, идивиди

Поради тоа што engagement банерот се создава во HTML, тој дозволува целосна контрола врз креативните и функционалните компоненти. Во него може да се вметнат слики, албуми, видеа, каталози, полиња за внесување податоци, копчиња за симнување содржина и секаква друга интерактивна креатива (грепки, мини натпревари, калкулатори, мапи). Главниот оглас овозможува било кој дел од површината да биде линкувана, дозволувајќи им слобода на огласувачите да комбинираат различни продажни понуди со различни целни (landing) страници.

Доколку се навратиме на мерливоста, engagement банерот нуди значителен број на засебни метрики кои може да се следат и да овозможат подобро разбирање на корисничкото искуство и впечатокот и интеракцијата со банерот.

  • Првата метрика се потврдените прикажувања, т.е бројот на прикажувања на првичниот (teaser) банер на страницата кои се подолги од 2 секунди. Вака огласувачот се осигурува дека прикажувањето навистина ја послужило целта и огласот бил во видното поле на посетителот.
  • Наредната метрика се интеракциите (engagements), т.е бројот на  отворања на првичниот оглас преку држење на глувчето повеќе од 2 секунди на него и прикажувања на главниот оглас. Во случајот на гореспомнатата кампања, 11.51% (извор: httpool) од посетителите кои го виделе првичниот оглас го зголемиле приказот и го виделе главниот оглас. Споредено со стапките на клик на стандардните банери, каде како репер за успешна кампања се смета онаа со CTR од 0.02%, engagement банерот ги „скокотка“ неактивните посетители и оние кои се „слепи“ на стандардните банери, ги извлекува од нивната зона на комфор и ги вклучува во комуникацијата со брендот.
  • Дополнителен доказ за интеракцијата и задлабоченоста на посетителите во engagement банерот е и метриката просечно време во оглас (просечна количина на време помината во интеракција по отворањето на главниот оглас). Статистиката за кампањата на Т-Мобиле вели дека секој корисник кој го отворил главниот оглас во него поминал 25.49 секунди (извор: Httpool), повеќе од доволно време да ја прими рекламната порака, да кликне на некој од дадените линкови и да биде зајакнат неговиот мотив на купување на производот.
  • Финално, engagement банерот го мери и бројот на затворени првични огласи (број на потврдени прикажувања на првичниот оглас кои се затворени од страна на корисникот). Во случајот на Т-Мобиле таа цифра е 9.04% (извор: httpool), што не наведува на фактот дека само секој десетти посетител ја отфрлил рекламата.

Engagement банерот е прилагодлив согласно барањата за кампањите од страна на клиентите. Реализирани кампањи во Македонија од страна на Httpool се Pepsi (кампања за концерт на Бијонсе – ЛИНК) , како и кампањите за промоции на нови производи на брендовите на Fashion Group (Diesel/ Springfield/ Celio).

Ако сте заинтересирани да дознаете повеќе за овој вид на банер, погледнете ја презентацијата за производот на следниот ЛИНК.

Автор Борис Ефтимовски

Борис е маркетинг и ПР професионалец, основач на Маркетинг365. Во своето работно портфолио, вклучува работни ангажмани за повеќе домашни и интернационални мали, средни и големи компании каде бил вклучен како маркетинг/ПР менаџер или консултант. Доколку Ви е потребна асистенција или консултација за Вашите маркетинг, ПР или продажни активности пишете му на: boris@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365