Данскиот производител на играчки LEGO ја претстави својата нова глобална празнична кампања, создадена за да ги обедини семејствата преку заедничката радост на играта. Годинешната порака е посветена на силата на креативноста што ги зацврстува семејните врски и го зајакнува духот на заедништво во празничниот период.
Во срцето на кампањата се наоѓа емотивен краток филм за дванаесетгодишниот Еди, кој ја заборавил магијата на играта. Кога неговата помлада сестра со едноставно спојување на едно LEGO коцка оживува весела војска од минифигурини, Еди повторно ја открива радоста на имагинацијата. Приказната се одвива во ритамот на ведрата преработка на класичната песна на Лајонел Ричи „Hello“, претворена во „Is it play you’re looking for?“, изведена од празничниот хор на LEGO.
Филмот прикажува стотици познати и омилени LEGO минифигурини од различни брендирани „универзуми“ како Star Wars, Ninjago, Friends и Wicked, кои потсетуваат дека преку играта се создаваат незаборавни семејни моменти. Режиран од наградуваниот Стив Ајсон и продуциран од внатрешната креативна агенција LEGO Agency, филмот користи повеќе од 97.000 лего-коцки за да создаде сложени сцени со змејови, возови и диско-хеликоптери.
„Нашиот празничен хор на LEGO ја слави магијата што се раѓа кога семејствата се обединуваат во игра“ – истакнува Ник Тејлор, потпретседател и раководител на LEGO Agency. „Се надеваме дека оваа кампања ќе ги поттикне сите да нурнат во свет исполнет со имагинација, смеа и креативност.“
Покрај кампањата, LEGO ја отпочнува и годинешната иницијатива „Build to Give“, со која ги повикува обожавателите да изградат срце од лего-коцки и да го споделат со хаштагот #BuildToGive. За секое споделено срце до 31 декември, компанијата ќе донира сетови на деца на кои најмногу им е потребна радоста од играта. Од 2017 година досега, оваа програма им ја донесе магијата на играта на повеќе од 11 милиони деца ширум светот.
