Home » Extra 5 » BBDO Zagreb осмисли нов визуелен идентитет за акцијата “За насмевка на децата во болница”

BBDO Zagreb осмисли нов визуелен идентитет за акцијата “За насмевка на децата во болница”

(ХРВАТСКА) – Акцијата “За насмевка на децата во болница”, во организација на Сојузот на друштва “Наши деца” од Хрватска, Хрватското друштво за превентивна и социјална педијатрија и Педијатриското друштво при Хрватското здружение на медицински сестри, освежена е со нов визуелен идентитет кој го осмисли Ивица Иваци, дизајнер од агенцијата BBDO Zagreb.

Za nasmevka na decata vo bolnica BBDO Zagreb

Во акцијата “За насмевка на децата во болница” вклучени се 38 болници и детски оддели во Хрватска, а престижниот наслов “Детски болнички оддел – пријател на детето” до крајот на 2015 година го имаа добиено 33 болници и детски оддели. Акцијата е поддржана од Министерството за здравство, донатори, спонзори и граѓани, а кон првата креативна акција се придружи и BBDO Zagreb, најнаградуваната агенција на овогодинешните Денови на комуникациите со освени Grand Prix Effie и Idea X награди и со титулата ‘Агенција на годината.’

Лука Дубоковиќ, извршен директор на BBDO Zagreb, по повод соработката изјави: “Особено ни е драго што можеме со својата креативна работа да го поддржиме Сојузот и неговите партнери во оваа благородна акција. Се надеваме дека новиот визуелен идентитет ќе привлече уште повеќе донатори така што сите ќе можеме да им овозможиме на децата што поубав и поудобен престој во болница, за што повеќе насмевки на нивните лица.”

“Многу сме горди и благодарни што најдобрата хрватска агенција BBDO Zagreb не’ поддржа во оваа акција и ни овозможи нов визуелен идентитет на кампањата. Акцијата “За насмевка на децата во болница” во седумнаесетте години свое траење има доста придонесено за можноста на престој на родителите заедно со болното дете, отварање на игротеки и училишта во болниците, оплеменување и уредување на болничкиот простор и општа хуманизација на болничкото лекување на децата во хрватските болници. Се радуваме и на идните соработки во кои децата се на прво место,” истакна претседателката на Сојузот на друштва “Наши деца” – Хрватска и претседателка на Централниот координациски одбор на Акцијата, проф. д-р Ајда Салихагиќ Кадиќ.

Автор Marketing365

Маркетинг365 (М365) е прв македонски портал кој во фокусот ја има маркетинг, медиа и ПР индустријата во Македонија. Формиран е во 2011 година и во своето досегашно постоење има добиено неколку домашни и меѓународни признанија вклучувајќи ги и “Блог на годината“ (прво место, 2011 и 2015 год.), “Највлијателен балкански блог кој доаѓа од Македонија“ (прво место 2012) и “Најдобар бизнис-информативен веб сајт“ (второ место, 2014). Почнувајќи од февруари 2015 година, Маркетинг365 е официјален претставник во Македонија на најпознатиот светски креативен фестивал Cannes Lions. Тимот на М365 го сочинуваат активни професионалци од маркетинг, медиа и ПР индустријата во Македонија. e-mail : contact@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365