Американскиот мултинационален синџир на ресторани Dunkin’ ја претстави “The King Kylie™ Collection”, нова лимитирана серија летни пијалаци создадена во соработка со медиумската ѕвезда Кајли Џенер. Инспирирана од нејзиниот препознатлив период „King Kylie“, колекцијата вклучува три пијалаци во розови нијанси, кои комбинираат овошни, кремасти и слатки вкусови.
Лансирањето е проследено со новата рекламна кампања „King Kylie’s Boardroom”, во која Џенер повторно се појавува во својата препознатлива улога „King Kylie“. Во рекламата таа води состанок во корпоративна сала, каде што ги прекинува сложените деловни дискусии за да го насочи вниманието кон она што е најважно – новите летни пијалаци.
Рекламата е во режија на Дејв Мејерс, а зад нејзината реализација стои агенцијата Artists Equity. Со хумор, впечатливи визуелни елементи и доминација на розовата боја, кампањата ја истакнува разиграната природа на новата колекција и ја надополнува летната комуникација на Dunkin’.
Кајли Џенер истакна дека розовата боја отсекогаш била еден од главните симболи на нејзиниот бренд „King Kylie“, поради што соработката со Dunkin’ ја смета за сосема природна. Според неа, трите пијалаци носат различен карактер – слаток, впечатлив и носталгичен – и ја одразуваат нејзината личност.
Главната директорка за маркетинг на Dunkin’, Џил Нелсон, изјави дека денешните потрошувачи бараат пијалаци кои изгледаат привлечно исто колку што се вкусни. Таа додаде дека нова колекција со Кајли Џенер има за цел да внесе повеќе боја, креативност и летна енергија во понудата на брендот.
