Effie Worldwide го објави Global Effie Index 2025, најрелевантното светско рангирање за маркетиншка ефективност. Сега, во својата 15-та година, индексот ги препознава маркетерите, брендовите, агенциите и агенциските мрежи што стојат зад најефективните маркетинг кампањи во светот, врз основа на проектите што биле финалисти и победници на регионалните, националните и глобалните натпревари Effie Awards.
Овогодишното рангирање покажува дека маркетинг ефективноста сè повеќе се гради преку долгорочни бренд-платформи, културна релевантност и доследна реализација. Од глобално познати брендови до нови регионални лидери, Global Effie Index 2025 ги истакнува организациите што постигнуваат мерливи деловни резултати и поставуваат нови стандарди за маркетинг ефективност.
„Рангирањето за 2025 година раскажува мошне интересна приказна за маркетинг ефективноста денес. Покрај многу од најпознатите светски брендови и организации, гледаме и нови учесници и лидери во подем кои докажуваат дека ефективниот маркетинг може да дојде од каде било. Ефективноста не зависи од големината, буџетот или географската положба – таа е резултат на идеи што создаваат вистинско влијание. Им честитаме на сите овогодишни маркетери, брендови, агенции и мрежи што поставуваат глобални стандарди за ефективност“ – изјави Трејси Алфорд, глобална извршна директорка на Effie Worldwide.
Овогодишните резултати ги опфаќаат финалистите и победниците на Effie Awards избрани во периодот од 1 јануари до 31 декември 2025 година.
Најефективни маркетери
Првите пет места им припаднаа на Unilever, McDonald’s, AB InBev, PepsiCo и Nestlé.
Во 2025 година Unilever се искачи на првото место, по третата последователна година меѓу трите најуспешни маркетери во светот. McDonald’s го освои второто место, AB InBev остана на третата позиција, додека PepsiCo и Nestlé ја комплетираат првата петорка.
Најефективни брендови
На врвот се најдоа McDonald’s, Burger King, Silpo, Dove и IKEA.
McDonald’s петта година по ред е прогласен за најефективен бренд во светот. Burger King се искачи на второто место, додека украинскиот малопродажен синџир Silpo го освои третото место. Dove и IKEA ја заокружуваат првата петорка.
Најефективни агенциски холдинг групации
Првите пет позиции ги зазедоа Omnicom, WPP, Interpublic Group (IPG), Publicis Groupe и Havas.
Omnicom трета година по ред ја задржа титулата најефективна агенциска холдинг групација во светот. Следуваат WPP, Interpublic Group (IPG), Publicis Groupe, додека Havas годинава влезе во глобалната топ 5.
Најефективни агенциски мрежи
Во оваа категорија водат Leo, McCann Worldgroup, Omnicom Media Group, BBDO Worldwide и Ogilvy.
Leo е прогласена за најефективна агенциска мрежа во светот во 2025 година, благодарение на успешни проекти реализирани во повеќе региони и категории. Следуваат McCann Worldgroup, Omnicom Media Group, BBDO Worldwide и Ogilvy.
Најефективни агенциски канцеларии
Првите пет места ги освоија AlmapBBDO (Сао Паоло, Бразил), Leo Burnett (Мумбаи, Индија), Banda agency (Киев, Украина), SANCHO BBDO (Богота, Колумбија) и McCann (Тел Авив, Израел).
AlmapBBDO од Сао Паоло третпат по ред е прогласена за најефективна агенциска канцеларија во светот. На второто место е Leo Burnett од Мумбаи, додека третото го освои украинската Banda agency.
Најефективни независни агенции
Во оваа категорија најдобри се Banda agency (Киев, Украина), Mischief @ No Fixed Address (Бруклин, Њујорк, САД), The Womb (Мумбаи, Индија), Rafineri (Истанбул, Турција) и Reuveni Pridan (Бнеи Брак, Израел).
Една од најголемите приказни годинава е успехот на Banda agency, која освен што е прогласена за најефективна независна агенција во светот, се најде и на третото место меѓу сите агенциски канцеларии глобално и беше прогласена за најдобра агенциска канцеларија во Европа.
Регионални победници за 2025 година
Азија и Пацифик
- Маркетер: PepsiCo
- Бренд: McDonald’s
- Холдинг групација: Publicis Groupe
- Агенциска мрежа: Leo
- Агенциска канцеларија: Leo Burnett (Мумбаи)
- Независна агенција: The Womb
Европа
- Маркетер: McDonald’s
- Бренд: McDonald’s
- Холдинг групација: Omnicom
- Агенциска мрежа: Leo
- Агенциска канцеларија: Banda agency
- Независна агенција: Banda agency
Латинска Америка
- Маркетер: AB InBev
- Бренд: Burger King
- Холдинг групација: Omnicom
- Агенциска мрежа: BBDO Worldwide
- Агенциска канцеларија: AlmapBBDO
- Независна агенција: Valor Group
Блискиот Исток и Африка
- Маркетер: Unilever
- Брендови: OMO и Puck (го делат местото)
- Холдинг групација: Omnicom
- Агенциска мрежа: McCann Worldgroup
- Агенциска канцеларија: FP7 McCann Dubai
- Независна агенција: Dejavu
Северна Америка
- Маркетери: L’Oréal и Molson Coors (го делат местото)
- Брендови: CeraVe и Change the Ref (го делат местото)
- Холдинг групација: Interpublic Group (IPG)
- Агенциска мрежа: Ogilvy
- Агенциска канцеларија: Mischief @ No Fixed Address
- Независна агенција: Mischief @ No Fixed Address
Целосното рангирање и методологијата за пресметка на резултатите се достапни на effieindex.com.
