Египетскиот претседател Абдел Фатех ал Сиси го потпиша законот со кој се зајакнува контролата врз интернетот во земјата
Законот за “компјутерски криминал” им овозможува на властите преку правосудните органи да наредат блокирање на веб-сајтовите кои претставуваат закана за египетската национална безбедност или економија.
Администраторот или уредникот на веб-страниците со слични содржини сега се соочува со затворска и парична казна. Законот е една од низата мерки на кои се жалат организациите за заштита на човековите права дека се ограничува слободата на говорот на Интернет.
Египетските пратеници минатиот месец го одобрија вториот закон кој го одобри Врховниот совет за регулирање на медиумите за надгледување на корисниците на социјалните мрежи.
Според овој закон, кој Сиси допрва допрва треба да го одобри, луѓето чии профили на социјалните мрежи имаат повеќе од 5.000 следбеници може да бидат ставени под надзор.
Советот ќе може да го суспендира или да го блокира секој личен профил на кој се објавуваат или емитуваат лажни вести и информации со кои се поттикнува “на кршење на законите, насилство или омраза.”