Home » FMCG » „Јафа“ ја купи „Банини“ по почетната цена од 15 милиони евра

„Јафа“ ја купи „Банини“ по почетната цена од 15 милиони евра

Компанијата „Јафа” од Црвенка вчера ја купи „Банини” по почетна цена од 15 милиони евра (1,86 милијарди динари), потврди Драгана Галиќ, стечајна управничка на „Банини”.

Документација за учество на лицитацијата за купување на кондиторската фабрика „Банини” од Кикинда, која беше во стечај, зедоа четири српски компании – месната индустрија „Матијевиќ” од Нови Сад, „Галеника фитофармација” од Белград, „Бамби” од Пожаревац и „Јафа” од Црвенка.

Стопанскиот суд во Зрењанин одлучи фабриката да се продаде, затоа што на барање на банката „Сосиете женерал”, е во стечај од април минатата година. Оваа банка бараше да се почне стечај за да ги наплати своите побарувања од околу 15 милиони евра, бидејќи поинаку не можеше да ги врати позајмените пари.

Проблемите на оваа фабрика почнаа во 2010 година, кога „Банини” се задолжи во банките поради изградбата на нов погон на Теремиски пат. Набргу, почнаа да стигнуваат високите рати за кредити, кои постојано се зголемуваа, па фабриката сè повеќе запаѓаше во долговите што ја доведоа до стечај.

Бојан Кнежевиќ, генерален директор на „Јафа”, по аукцијата рече дека одлуката за купување на „Банини” не била лесна, бидејќи почетната цена била висока.

Да беше пониска цената, ќе имаше повеќе купувачи. „Банини” е во големи проблеми, а во стечај е затоа што има повеќе од 40 милиони евра долг кон банките и повеќе од 10 милиони евра долг кон доставувачите, вели тој и додава дека планира да го врати целото производство на „Банини” со истиот асортиман, а 500 вработени ќе бидат вратени на работа.

Преземено од: InStore.mk

Автор Marketing365

Маркетинг365 (М365) е прв македонски портал кој во фокусот ја има маркетинг, медиа и ПР индустријата во Македонија. Формиран е во 2011 година и во своето досегашно постоење има добиено неколку домашни и меѓународни признанија вклучувајќи ги и “Блог на годината“ (прво место, 2011 и 2015 год.), “Највлијателен балкански блог кој доаѓа од Македонија“ (прво место 2012) и “Најдобар бизнис-информативен веб сајт“ (второ место, 2014). Почнувајќи од февруари 2015 година, Маркетинг365 е официјален претставник во Македонија на најпознатиот светски креативен фестивал Cannes Lions. Тимот на М365 го сочинуваат активни професионалци од маркетинг, медиа и ПР индустријата во Македонија. e-mail : contact@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365