Брендот за брза храна KFC ја започна новата фаза од кампањата „Believe“ на британскиот пазар, со која ги повикува обожавателите не само да ја слават својата љубов кон брендот, туку и активно да ја докажат. Кампањата продолжува со идејата пилешкото да се претстави како симбол на „религиско убедување“.
Во центарот на кампањата е новиот филм во режија на Ведран Рупиќ, насловен „How Much Do You Believe in Chicken?“ („Колку верувате во пилешкото?“). Во него, група учесници со врзани очи се движат низ предизвикувачка средина, водени единствено од вербата, сè додека не остане само еден победник.
Кампањата ги вклучува и граѓаните преку QR кодови, нудејќи можност за освојување на 50.000 фунти и симболично „златно јајце“. Со тоа, концептот се пренесува од реклама во реално искуство.
Кампањата е креирана од агенцијата Mother и ќе се реализира преку телевизија, надворешно огласување, онлајн видеа и социјални мрежи.
