Каков е односот меѓу хипер-релевантноста и довербата
Потрошувачите ширум светот стануваат фрустрирани кога брендовите не успеваат да испорачаат релевантни, прилагодени искуства, а тоа е нешто што корисниците го бараат се` повеќе. Покрај тоа, тие исто така се загрижени дека им даваат на компаниите премногу лични податоци. Парадоксално е дека тоа е токму она што им треба на брендовите за да испорачаат такви релевантни искуства. Од друга страна, лошата персонализација што произлегува од недостатокот на доверба чини трилиони долари годишно, тврдат новите истражувања на компанијата Accenture Strategy, која испитала 24 877 потрошувачи во 33 земји.
Роберт Воллан, раководител на одделот за глобални стратегии за односи со потрошувачите во компанијата Accenture Strategy, вели дека со преминувањето на технологиите како што се вештачката интелегенција, машинското учење и дигиталните асистенти во мејнстрим и нивната сé поголема софистицираност, компаниите нудат нови услуги кои ” интелигентно предвидуваат и се прилагодуваат на потребите на своите клиенти, нудејќи невидено ниво на хипер-релевантност “.
“Оние кои успеваат со ова, ќе ја погодат таа златна средина, каде што корисниците се подготвени да споделат повеќе лични согледувања во нивниот свет, во замена за поголема вредност и доверба дека нивните податоци се заштитени,” вели Волан.