Home » Extra 5 » Корпоративна бренд кампања на Coca-Cola која го надминува газираниот пијалок

Корпоративна бренд кампања на Coca-Cola која го надминува газираниот пијалок

Откако Џејмс Квинси ја презеде улогата на Генерален извршен директор на Coca-Cola Co. во мај годинава, компанијата започна да се претставуава пред инвеститорите како “комлетна компанија за пијалоци” со портфолио на производи кое го надминува популарниот истоимен газиран пијалок. Во неделата, компанијата ја промовираше пред американската публика на национално ниво својата нова реклама, дел од нова корпоративна брендинг кампања.

Видео спотот, емитуван за време на “Sunday Night Football” на NBC, има за цел го претстави гигантот во еден поинков имиџ пред американската публика, откако компанијата ја комплетираше десет години долгата иницијатива за рефраншизирање, преку која сопственоста на локалните фабрики за флаширање ја пренесе на независни компании. Со ова, Coca Cola продаде дел од својот капитал за производство и дистибуција, еволуирајќи во компанија чиј централен фокус е маркетингот и иновациите.

Новата кампња ги претставува 68-те американски независни компании за флаширање, длабоко поврани со локалните заедници, кои се дел од поширокото семејство на Coca-Cola. Првите реклами започнаа да се емитуваат локално порано во месецов. Неделната телевизиска реклама го отпочна националниот напор на компанијата, дополнет со реклами во USA Today и The Wall Street Journal. Агенциите кои се вклучени во кампањата се: Partners & Spade за креативата, Perfect Sense Digital за дигиталниот адвертајзинг и UM за медиумскиот закуп.

Телевизискиот спот ја опишува Coca-Cola Company како производител на нешто повеќе од “она што нашето име го сугерира”. Таа прикажува различни брендови како Honest Tea, Odwalla juice и Smartwater. Рекламата не’ запознава со еден дистрибутер по име Вили Муа кој работи за компанија за флаширање во Алјаска, како и со Џон Ратке, хидролог на Coca-Cola North America кој е задолжен за менаџирање на компаниската програма за одржливост на водата.

Кампањата ќе остане и во фокусот на локалните медиуми. На пример, една принт реклама со Џуниор Бриџман, поранешен професионален кошаркар кој сега е сопственик на компанија за флаширање на Coca-Cola која опслужува делови од Канзас, Мисури и Илиноис.

“Се’ повеќе растечката локална природа на нашиот систем за флаширање не’ става во позиција да имаме уште поголемо влијание врз заедниците каде што живееме, работиме и играме,” напиша во корпоративен блог пост Стуарт Кронауж, постар потпретседател за маркетинг и претседател на операциите на Coca-Cola North America за САД. “Ова е совршено време за да се претставиме повторн како еден од водечките вработувачи и снабдувачи, и целосно да искомуницираме кои сме, за што се залагаме, и што произведуваме и продаваме,” додаде тој.

Кампањата доаѓа во период кога произведувачите на газирани пијалоци се соочуваат со пад на продажбите, предизвикани од загриженост за здравјето, како и обидите на локалните власти да наметнат дополнителни даноци врз пијалоците засладени со шеќер.

Глобално, газираните сокови се се’ уште заслужни за 70% од бизнисот на Coca-Cola. За време на една инвеститорска конференција оваа година, Квинси изјави дека: “Брендот Coca-Cola секогаш ќе биде срцето и душата на Coca-Cola Company, но компанијата го надрасна својот централен бренд. Компанијата треба да биде поголема од нашиот централен бренд.”

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365