Во најновата епизода од Leaders of Growth, Милан Савов (извршен директор на СмартКлик) разговара со Оља Гровел, експерт за скалирање на SaaS компании, за тоа што навистина се случува кога една компанија почнува да расте и зошто најчесто проблемите со растот не се таму каде што основачите мислат дека се.
Разговорот се фокусира на лидерство, операциски проблеми, извештаи и системи, како и на тоа зошто многу компании мислат дека имаат проблем со маркетинг и аквизиција, а всушност проблемот е во активација, задржување на корисници, интерна организација или менаџмент. Оља објаснува како компаниите можат да растат без да создадат хаос во организацијата и како да изградат системи што ќе го поддржат растот на приходите.
Оља Гровел работи со SaaS основачи и лидерски тимови за да им помогне да ги идентификуваат главните проблеми во компанијата, да ги подобрат операциите, да воведат системи за извештаи и да изградат структура што може да поддржи раст на приходите. Таа моментално работи како Operating Partner во SLS Labs и има искуство со скалирање на повеќе SaaS компании.
Во епизодата се дискутира за:
- Зошто повеќето проблеми со растот во SaaS компаниите се операциски, а не маркетинг проблеми
- Зошто е потребен заеднички reporting систем за маркетинг, продажба и продукт
- Како функционира 90-дневниот revenue scaling sprint и како да се идентификува главниот проблем што го блокира растот
Ако водите SaaS компанија или сте одговорни за маркетинг, раст и приход, оваа епизода ќе ви помогне подобро да разберете зошто компаниите запираат со раст и како да изградите систем што ќе овозможи стабилно скалирање без хаос.
За да проверите дали вашиот органски сообраќај е стабилен или постои ризик од пад што може да влијае на приходите, креиравме една алатка со чија помош може да процените кој е степенот на вашиот ризик од пад на сообраќајот и што треба да направите за да избегнете токму таков ризик.
Скалирањето на SaaS компанија не е само прашање на повеќе маркетинг, повеќе продажба или повеќе вработувања. Најчесто, вистинските проблеми се во системите, извештаите, лидерството и организацијата на компанијата. Компаниите што растат успешно не се оние што прават повеќе активности, туку оние што градат подобри системи и носат подобри одлуки.
Во оваа епизода, Оља Гровел објаснува како компаниите можат да го идентификуваат главниот проблем што го блокира растот, како да воведат структури и reporting системи и како да го користат 90-дневниот revenue scaling sprint за да постигнат вистински напредок.
Целата епизода од Leaders of Growth подкастот можете да ја погледнете тука:
