Меккен Скопје и Халкбанк АД Скопје се македонски претставници што годинава се најдоа во финалето на меѓународниот фестивал на креативноста Golden Drum. Кампањата, посветена на земјоделскиот кредит на банката, е финалист во повеќе категории, а победниците ќе бидат прогласени на 13 октомври во Порторож, Словенија.
Кампањата се издвојува по тоа што наместо само да го рекламира земјоделскиот кредит на Халкбанк, неговите придобивки ги претвора во практична помош за земјоделците. За таа цел, Меккен Скопје креираше надворешни реклами поставени во близина на пасишта, на кои биле поставени четки што добитокот може да ги користи за чешање – така помагајќи им на земјоделците да ја подобрат благосостојбата на животните.
Идејата била проширена и со промотивно возило обложено со четки, кое се движело низ земјоделските средини и ја носело кампањата директно до земјоделците и нивниот добиток.
Кампањата е финалист во шест натпреварувачки категории: „One-Channel Drum, C. OUT OF HOME (OOH), Ambient & Experiential“; „Creative Media Excellence Drum, A. CREATIVE USE OF MEDIA, Ambient Media“; „Creative Business Excellence Drum, B. CREATIVE EFFECTIVENESS, Profit“; „Creative Media Excellence Drum, B. EXCELLENCE IN MEDIA, Use of Creative Idea“; „Creative Media Excellence Drum, B. EXCELLENCE IN MEDIA, Media Planning & Strategy“; и „One-Channel Drum, C. OUT OF HOME (OOH), Ambient & Experiential“.
Инаку, меѓународниот огласувачки фестивал Golden Drum соопшти дека 187 од поднесените апликации влегле во финалето на главното натпреварување, додека натпреварот за млади креативци Young Drummers Competition има 15 финалисти. Пријавите доаѓаат од 30 земји, а ги оценуваше меѓународно жири составено од 51 члена, во шест натпреварувачки секции: „One-Channel“, „Omni-Channel“, „Craft Drum“, „Creative Media Excellence“, „Creative Business Excellence“ и специјалната „All Juries Section“.
Независните агенции годинава сочинуваат 51% од сите пријави на Golden Drum, додека мрежните агенции учествуваат со 49%. Најголем број пријави има во секцијата „Omni-Channel Drum“, по што следува „One-Channel Drum“. Во рамките на Young Drummers Competition, пак, учествувале млади креативци од 15 земји, што претставува раст од 12% во однос на минатата година.
Овогодишното издание на фестивалот ќе кулминира со Golden Drum Awards Show, поддржано од Mastercard, на 13 октомври во Порторож. Во текот на денот ќе бидат доделени бронзените и сребрените признанија, додека на завршната гала вечер ќе бидат прогласени и носителите на најпрестижните фестивалски награди.
Меѓу нив се „UNFPA Inclusion Excellence Award“, „Best of Social Good“, „Best of Genius Loci“ и глобалната награда „Game Changer Award“. Ќе бидат прогласени и „Adriatic Agency of the Year“, „Independent Agency of the Year“ и „Agency of the Year“, како и „Production Agency of the Year“, „Media Agency of the Year“ и „Brand Grand Prix“. Golden Drum ќе ги награди и поединците и агенцисите мрежи што оставиле значаен белег со својата креативна работа, со признанијата „Creative Director of the Year“ и „Network of the Year“.
Посебно признание ќе му биде доделено на Михнеа Георгиу, Global Chief Creative Officer во LePub Network, кој ќе стане нов член на „Golden Drum Hall of Fame“.
