Home » Во фокусот » Митја Тушкеј, раководител на модулот Брендинг на Direct Media Академија: Да зборуваме за филигрански брендинг!

Митја Тушкеј, раководител на модулот Брендинг на Direct Media Академија: Да зборуваме за филигрански брендинг!

Време е да признаеме дека во нашата индустрија ништо нема да биде како што беше порано. Да зборуваме отворено и конструктивно за ова. Да го анализираме големиот слон во собата, од сурлата до опашката и да не го игнорираме неговото присуство и влијание врз нашата работа. Како да го оставиме сè она за што цврсто се држевме со децении, а со цел да бидеме успешни на долг рок? На овај начин Митја Тушкеј, регионално признат експерт во областа на брендирањето го најавува својот модул Брендинг: Нов брендинг – Хокус покус  кој ќе се одржи во рамките на Direct Media Akademijа од 28 до 30 мај.  Овај модул е вистинска работа за сите кои навечер легнуваат и наутро се будат со брендирањето во мислите. Доколку вашата страст се брендовите, а нивната комуникација предизвик – не би требало да ja пропуштите серијата на предавања од модулот Брендинг.

  1. Кои промените најмногу влијаеле на тоа за брендингот каков што го знаеме да престане да постои?

Да, промените се навистина неверојатно големи! Интересно е дека сите ние, како поединци, не го разбираме оваа ужасно големо ниво на промени. Едноставно кога одите од ден во ден немате впечаток дека сè околу нас се менува толку многу. Неверојатно е колку е голема нашата способност за прилагодување и примање на сите овие промени. Дури кога некако ќе тргнете чекор по чекор во “историјата”, од година во година наназад, го гледате овој неверојатен обем на промени. Инаку, веројатно е најлесно да се разберат промените во технологијата – сосема се јасни и на сите им е јасно дека овие промени доведоа и до нови канали за комуникација кои ги менуваат и концептите и формите на адвертајзингот. Но, ова е само еден мал дел – нема да кажам дека не е значаен, но сепак, не е оној што сам по себе бара да ја менуваме суштината на брендингот во самиот извор.

Според мене, барем два факта се пресудни и посилни од брзиот развој на  технологијата … иако на крајот на денот токму развојот на технологијата го овозможи тоа во што сите ние се надевавме … Имено, една од најважните работи што е тука и која од брендовите бара сосема поинакви концепти е целосно предозирање со информации. За мене е фасцинантен податокот дека – не знам како експертите го пресметаа тоа – од почетокот на цивилизацијата па сè до 2003 година, светот успеа да произведе одредена количина на информации; истата количина денес нашето заедничко производство го прави за два дена! Нашиот мозок успева некако да ги зголеми своите капацитети, но сепак: едноставно е премногу. Немаме доволно капацитет за да претвориме сè што се случува околу нас во нашето памтење. Правиме постојана селекција и го памтиме само она што е во наш вистински интерес. И верувајте ми, рекламните пораки не се на врвот на нашите приоритети.

Но, кога ќе се постави и фактот дека понудата на брендовите секој ден е сè поголема и поголема, дека конкуренцијата во повеќето индустрии е посилна, станува јасно дека мораме на концептуално ниво, нешто значајно да промениме.

  1. Како да се адаптираме што побезболно на големата ренесанса на вредноста на брендингот која наголемо ни` тропа на вратата?

Јасно, големото прашање е што и како да се промени. Побарав одговори правејќи ги сите живи споредби на различни бази на податоци, во различни истражувања, ги гледав позициите на брендовите во минатото и денес, за да најдам одличен кејс кој ми го отвори патот до интересни заклучоци. Споредбата на податоците од една серија на истражувања која ја работам за свој клиент веќе повеќе од петнаесет години, а која ја следи перцепцијата на конкурентните брендови меѓу потрошувачите ми покажа колку убаво и полека, разликата помеѓу големите конкуренти станува се` помала. Кога на овие податоци ги вметнав реализираните пазарни удели, се покажа феноменален резултат:  брендовите кои секоја година беа поблиску еден до друг ја губеа својата позиција, а брендовите кои на некој начин успеваа да останат на “своја линија“ и останаа препознатливи по своите карактеристики и особено по вредностите и личностите изразени преку нивните комуникации, пораснаа. Уште повеќе, брендот со највисок раст во последните десет години буквално подеднакво беше перцепиран цело време. Неговата приказна е чиста, јасна и фокусирана, целната група е целосно идентична цело време. Целосно фокусирање на она што во суштина е брендот е целосен фокус на оние кои се негови целосни обожаватели за цело време.

Сега, дали сето тоа значи дека брендингот каков што беше исчезнува или само менува облик … јас мислам дека концептот на брендингот радикално се менува. Денес, брендингот е исклучително чувствителна и филигранска работа. Прецизност и постојаната проверка на валидноста на односот помеѓу корисникот и брендот е комплетен ’must’. Постојана потрага каде е нашиот “партнер”, како размислува, што прави, каде се наоѓа, што го возбудува и како да се вклучи во креирањето на приказната  на “неговиот сопствен ” бренд – тоа се задачи, без кои ние тешко ќе го одржиме својот бренд “над вода“. Според моето убедување, ова навистина ја поставува функцијата на брендирање во прилично нови рамки.

 

  1. За кого е наменет модулот Брендинг и што можат да очекуваат учесниците од предавањата и работилниците?

Модулот Брендинг ќе биде наменет за сите кои работат на било која страни на нашиот триаголник … или во агенција или кај огласувачите или во медиумите, мислам дека дури ни позицијата на работното место не е важна. Важна е отвореноста на размислувањето и важна е желбата да се направи нешто на можеби малку поинаков начин. Јас ќе се потрудам со сета своја енергија да им покажам на учесниците дека е важно да се направи целосно затворена кутија, во која е неопходно да се затвори брендот со своите потрошувачи, а потоа врз основа на тоа “креативците” да можат да направат решенија кои ги пробиваат рамките на таа кутија.

  1. Двата главни јунаци на брендингот се брендот и потрошувачот. Како изгледа нивниот однос денес, а како некогаш?

Ха! Во суштина, во односот помеѓу брендот и потрошувачите нема радикални промени. Тие беа и уште мора да бидат во љубовна врска, дури и повеќе – љубовта е само почеток, тие мора да бидат во партнерски однос. Почитување, слушање, па дури и мали расправии и недоразбирања.  Важно е дека ова е однос кој мора да трае и трае. И важно е да се сфати дека односот и првата љубов доаѓаат доколку брендот и потрошувачот се најдат. А ќе се најдат ако ако постои одредено разбирање меѓу нив. Ако слично размислуваат, ако имаат слични вредности и имаат сличен животен стил. Тоа го прават и на крајот на денот, тоа го потврдуваат и најголемите стручњаци за брендирање во светот долго време.

Но, не е сè исто. Сите промени и комплетниот развој на сè доведоа до фактот што денес постои значително поголема сегментација меѓу сите нас. Има толку многу различни можности, толку различни интереси и толку различни нијанси кои нè делат и прават вистински разлики меѓу нас, што за брендовите малку потешко да најдат вистински вредности и вистинска личност, кои на најдобар и најјасен начин ќе влезат во “мојот” state-of-mind. И повторно, кога ќе влеземе во взаемен однос, влегуваме во светот на постојани меѓусебни комуникации, постојано освојување и одржување на љубовно-партнерски однос. Ако јас се менувам, а се менувам многу побрзо отколку што се менував пред десет или петнаесет години, ако јас примам новости и влегувам во нови трендови, тоа мора да го прави цело време и мојот партнер, мојот бренд. Ако не се инвестира во односот, постои можност и веројатноста дека некој друг бренд ќе ми понуди нешто што одговара подобро со моите променети ставови, па првин ќе направам мала “швалерација“… која можеби ќе се претвори во нова љубов и прекин на врската.

Тој систем на односи за брендовите едноставно значи дека мора постојано да “слушаат” и да прават анализа на инсајтот на целната група, анализа на трендовите и односите помеѓу себе и своите потрошувачи и нивната приказна постојано да ја прилагодуваат на своите партнери, своите потрошувачи.

  1. Новата книга која ја издадовте Хокус, покус: фокуссе занимава токму со темата која ја обработува вашиот модул. Дали Вашата порака од овогодишната Direct Media Академија е фокусот?

Да, секако! Мојата порака е целосен фокус на односот помеѓу брендот и неговиот корисник. И мојот фокус ќе биде на тоа, како да се дојде токму до вистинскиот фокус 😊.

  1. Според Вашето мислење, кои квалитети и вештини треба да поседува еден маркетинг, адвертајзинг или комуникациски професионалец во новата ера на комуникација?

Во брендирањето денес, сè е засновано на фокус на односот, на одржување љубов и партнерство, на тоа да останеме страстни кон својот бренд … и овие вредности се темел и за сите професионалци во нашата индустрија. Мора да бидете заљубени во својот бренд, мора да бидете посветени на односот и мора постојано да ја градите и одржувате таа врска. Мора да слушате, читате и да одите во што поголема можна широчина на знаење и познавање на милијарди различни факти за да можете да го пронајдете вистинскиот фокус за вашиот бренд и за да можете на вистински начин да ја одржувате љубовта на вистинските луѓе кон вашиот бренд.

За Митја Тушкеј

Митја Тускеј е еден од најпочитуваните експерти за брендирање во овој дел од Европа, а во областа на комуникацијата, тој е незаменлив елемент повеќе од 25 години. Ако некој може да се нарече ренесансен филозоф за маркетинг, тоа е Митја, иако тој покажа подеднакво одлични резултати во неговата долгогодишна работа и на полето на праксата. Член е на семејството Ascanius Media Словенија, една од најуспешните агенции во Словенија, која оваа година уште еднаш е наградена со Effi признание за најефикасна кампања.

Негова специјалност се анализа и стратешко планирање, а вештината која тој дефинитивно ја “докторира” е создавање едноставна и логична рамка за исклучително сложени податоци. Најмногу ужива во предизвиците на сложеното стратешко планирање, како на ниво на брендот, така и на корпоративно ниво. Во 2015 година ја напиша книгата “Без френдови нема брендови“, која во Словенија беше прогласена за маркетинг-книга на годината и има прилично добро продавано регионално издание. “Хокус покус: фокус“ е нова книга на Митја Тушкеј од 2019 година, во која своето знаење и искуство го надополнува со најновите и најактуелните случувања во управување на брендовите.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365