Home » Во фокусот » Најавено петтото издание на конференцијата за дигитален маркетинг – AllWeb

Најавено петтото издание на конференцијата за дигитален маркетинг – AllWeb

Еднодневната конференција за дигитален маркетинг, AllWeb своето петто издание ќе го има на 18 ноември во Скопје. Форматот, којшто се покажа дека и одговара на публиката во изминатите години, останува ист: комбинација  на презентации и панел дискусии, одлични говорници и содржина, и супер можност за професионално дружење.

allweb konferencija

Навиките и однесувањето на корисниците на паметни (мобилни) уреди, комуникацијата во движење, константното барање нови канали и целни групи за маркетинг комуникација ќе бидат носечките теми на конференцијата.

И оваа година акцентот е ставен на содржината на програмата и квалитетот на говорниците. “Присутните ќе имаат можност да ги проследат презентациите на Скот Морисон кој има работено за Дизел, Левис, Старбакс, Редбул. Доаѓа и Мајк Бучер од Теккранч- најголемиот сајт кој објавува информации за технолошките компании во светот; исто така и сениорот во ПР и стратешки комуникации Марк Турнбул од СЦЛ Груп. Имаме луѓе од Дојче Телеком, Соушлбејкерс, Дентсу, Агрокор, но она што е далеку поважно е дека станува збор за врвни експерти и предавачи во своите области со долгогодишно искуство“ – вели Дарко Булдиоски, програмскиот директор на AllWeb конференцијата.

Интересот за овој настан и оваа година е голем, а информациите и контактите кои можат да се стекнат таму се непроценливи, додава Булдиоски. Во публиката на AllWeb доминираат претставници на компании, маркетинг и ПР агенции, претприемачи, но и студенти и луѓе кои се насочени кон дигитална трансформација, развој и менаџмент.

Влезниците веќе се пуштени во продажба, а до крајот на септември може да се набават по намалена цена.

Повеќе информации за говорниците, програмата и за самата конференција можат да се најдат на www.allweb.mk.

Автор Борис Ефтимовски

Борис е маркетинг и ПР професионалец, основач на Маркетинг365. Во своето работно портфолио, вклучува работни ангажмани за повеќе домашни и интернационални мали, средни и големи компании каде бил вклучен како маркетинг/ПР менаџер или консултант. Доколку Ви е потребна асистенција или консултација за Вашите маркетинг, ПР или продажни активности пишете му на: boris@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365