Отворени се пријавите за SoMo Borac 2026, а проектите може да се пријават до 23 септември
Отворени се пријавите за 14. издание на SoMo Borac powered by Aleph, кое оваа година носи големо освежување – прва награда за проекти креирани со помош на вештачка интелигенција. Покрај категоријата за ВИ, новото издание ја воведува и престижната SoMo Grand Prix – специјална награда за најдобриот проект во рамки на SoMo Advertising, додека во категоријата SoMo Media ќе биде доделена и наградата SoMo Content Engagement за најдобрите органски содржини кои успешно привлекуваат, вклучуваат и задржуваат публика.
Сите што во текот на изминатата година креирале дигитални содржини, кампањи или производи кои предизвикале јавно внимание, можат да ги пријават своите трудови до 23 септември, а кулминацијата на сезоната нè очекува на прогласувањето на победниците на 23 октомври.
SoMo Borac е најрелевантниот регионален натпревар кој веќе со години ги препознава и наградува најдобрите дигитални проекти, а новото издание става посебен акцент на технолошката трансформација, креативната храброст и проектите што ги поставуваат новите дигитални трендови. И оваа година учесниците ќе можат да ги пријават своите трудови во рамки на две програми: SoMo Media и SoMo Advertising.
Во рамки на SoMo Media може е да се пријават проекти за награди како „Digital Product of the Year“, „Digital Design of the Year“, „SoMo Native“ и „Best Media Storytelling“, а ќе биде доделено и признанието „HUDI Northern Star“ powered by HUDI. SoMo Advertising повторно ќе ги награди најуспешните дигитални кампањи, активации и производи, комуникациски стратегии, „performance“ проекти, видео содржини и креативни решенија кои оствариле забележителни резултати. Детален преглед на сите категории, правилата за пријавување и условите за учество е достапен на официјалната страница на SoMo Borac.
Покрај натпреварувачкиот дел, SoMo Borac повторно ќе биде домаќин на водечки експерти од регионот и светот на конференција посветена на иднината на дигиталната индустрија, новите трендови, технологиите и најдобрите практики што го обликуваат пазарот.
„Веќе четиринаесет години SoMo Borac го следи развојот на дигиталната индустрија и ги препознава проектите што ги поместуваат границите на креативноста, иновациите и деловните резултати. Секое ново издание ни носи пресек на најдоброто што регионалната сцена може да го понуди, а токму пријавените трудови покажуваат како индустријата се развива, се приспособува на новите технологии и ги подигнува стандардите на извонредност. Со нетрпение очекуваме да ги видиме проектите што ја одбележаа изминатата година и да добиеме увид во најновите трендови што ќе ја обликуваат нашата дигитална иднина“ – изјави Ружица Врдољак Личина, извршна директорка на наградата SoMo Borac.
Сите што ќе ги пријават своите трудови до 1 септември ќе остварат поповолна цена за котизација, а оние што сакаат да обезбедат „early bird“ влезници за овогодишното издание на SoMo конференцијата по цена од 139 евра, можат да го сторат тоа до 31 јули 2026 година.
Пријавете се да го добивате новинскиот билтен и први да ги дознаете сите новости поврзани со SoMo Borac 2026, членовите на жирито, програмата на конференцијата и отворањето на новите фази од продажбата на влезниците. Следете ги сите новости на Facebook, Instagram и LinkedIn.
