Home » Во фокусот » Новиот Ford Ranger Raptor доаѓа во Европа

Новиот Ford Ranger Raptor доаѓа во Европа

 

Автомобилската компанија Ford потврди дека новиот Ranger Raptor доаѓа во Европа. Ова е најголема и најсилна верзија на најдобро продаваниот пикап на стариот континент, откако храбриот нов модел дебитираше на саемот „Gamescom“, во Келн, Германија. Вистинските европски ентузијасти за оф-роуд возење, кои се во постојана потрага по возбуда, ќе го имаат овој Ranger Raptor, развиен  во Ford Performance одделот, од средината на 2019 година.

Ќе биде напојуван од Bi-Turbo верзија на Ford 2.0-литарскиот EcoBlue дизел мотор кој испорачува 213 КС и 500 НМ вртежен момент, како и новиот автоматски менувач на Ford со 10 брзини. Лидерското присуство го потврдуваат со импозантните димензии и екстремниот стил, поддржани од уникатната шасија на Ford Performance, оптимизирана за возење на оф-роуд со голема брзина и возење на кое било место.

Исто така и Ford и Microsoft потврдуваат дека новиот Ranger Raptor, годинава ќе се најде и во новиот симулатор за возење на „Forza Horizon 4“, давајќи можност фановите да ги доживеат невидените способности на пикапот.

„Заборавете сé што мислите дека знаете за пик-ап возилата. Нашиот нов Ranger Raptor е поинаква раса – чистокрвен пустински тркач, опремен за екстремен начин на живот надвор од патот, кој може да влече, да повлекува и да работи најдобро во најтешките работни услови“, вели Лео Роекс, директор на Ford Performance Europe.

 

Цврст, но рафиниран

Изграден е да ги издржи високите влијанија надвор од патот. Уникатната, супер-силна армирана рамка на шасијата на Ranger Raptor користи цврсти нисколегирани челици што можат да ја издржат казната од оф-роуд трките.

Суспензијата на Raptor е изведена специјално да се справи со страшните терени при голема брзина, додека е под целосна контрола и ја задржува удобноста. Амортизерите на Fox Racing Shox обезбедуваат повисоки амортизирачки сили во екстремни услови за неспоредлива способност надвор од патот и помали сили за придушување во поумерени услови за полесно возење по патот.

“Изненадувачкото искуство на Ranger Raptor е тоа колку далеку може да го изнесете надвор од патот и сé уште да се возите како милионер. Сѐ за Ranger Raptor се базира на веќе извонредното софистицирано чувство и функционалната способност на Ranger. Од аспект на љубител на динамичко возење, тоа е навистина исклучително специјално возило”, објаснува Дамиен Рос, главен програмски инженер за Ranger Raptor во Ford Motor Company.

Ranger Raptor, исто така, има уникатна заштита на подвозјето за да ги одбие оф-роуд пречките.

Импресивна форма и функција

Покажан во Ford Performance Blue со контрастни акценти на Dyno Gray, агресивниот дизајн на новиот Ranger Raptor е воден од перформансите и функционалноста. Неверојатните композитни предни браници се дизајнирани да ги отстранат штетите од користењето на оф-роуд патиштата и да овозможат подолги патувања и со поголеми пневматици. Страничните делови се дизајнирани специјално за да се спречи распрскување на камењата од притискање на задниот дел од камионот и да имаат одлични точки за прилепување со подлогата на песок, кал и снег.

Ford Performance ДНК-то е присутно низ внатрешноста и обезбедува квалитетна изработка, хармонични бои и издржливи материјали за возење од брзи улици до голема надморска височина. Заоблените седишта се специјално дизајнирани за оф-роуд со голема брзина и за поддршка со двојна цврстина за врвна удобност и вештачки материјали за подобрено држење.

Наместен за сите терени

Ranger Raptor овозможува возачите да изберат меѓу шестте режими за управување на теренот за да се справат со широк спектар теренски сценарија за возење и вклучуваат:

  • Нормален режим – нагласување на удобноста, економичноста на горивото и управливоста
  • Спортски режим – повеќе одговорен за возбудливото возење на пат
  • Режим трева / чакал / снег – дизајниран за безбедно и сигурно возење на лизгави и нерамни површини надвор од патот
  • Режим кал / песок – за оптимален одзив на возилото за оптимална влечна сила и моментум на длабоки, деформирани површини како слаб песок и малку кал
  • Режим камен – посебно за ниско-брзински карпести терени, каде што е клучно управувањето
  • Пустински режим – подесување за одзив за брзи оф-роуд перформанси, какви што им се потребни на возачите во познатите пустински трки

Инженерите на Ford многу го тестираа моќниот 2.0-литарски EcoBlue мотор на Ranger Raptor и 10-брзинскиот автоматски менувач за да ја докажат издржливост во најтешките услови, вклучувајќи го користењето на турбокомпресорите со висок притисок и со низок притисок за 200 часа постојана работа.

Софистицираните технологии се дизајнирани да го направат новиот Ranger Raptor удобен на и надвор од патот. Вклучува Фордов SYNC3 систем за комуникација и забава, кој овозможува возачите да ги контролираат аудио навигациските системи и да ги поврзат паметните телефони, користејќи едноставни, разговорни гласовни команди. Системот е компатибилен со Apple CarPlay и Android Auto™ и има SYNC AppLink за гласовна активација на голем број апликации за паметни телефони.

комерцијален текст

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365