Home » Во фокусот » Ново видео за кампањата „Биди фер! За детство без пречки“

Ново видео за кампањата „Биди фер! За детство без пречки“

Фондот на ОН за деца , УНИЦЕФ – Македонија го претстави второто видео со скриена камера „Биди фер! За детство без пречки“ со пораката „Види ја способноста, а не попреченоста“, кое става акцент врз прифаќањето на тоа кои се децата и што умеат да направат, а не врз пречките од нивното оштетување.

Во рамки на кампањата на 100 локации низ земјата поставени се серија од дванаесет билборди на кои децата со попреченост се прикажани како пријатели, студенти, ученици, музичари, спортски шампиони, браќа, внуци, истакнувајќи ја љубовта, љубопитноста, радоста и способноста што тие ја носат, информираат од УНИЦЕФ.

Претставникот на УНИЦЕФ, Бенџамин Перкс, посочува дека новата кампања „Види ја способноста, а не попреченоста“ се однесува на ослободување на потенцијалот на секое дете и дава осврт на ставовите што ја попречуваат инклузијата.

Веруваме дека ова ќе се претвори во забрзана системска реформа за да се обезбеди секое дете да ја добие потребната поддршка и да оди на училиште со своите врсници, да ги добие потребните здравствени и социјални услуги и да се стави крај на исклученоста, изолацијата и институционализацијата на децата со попреченост, рече Перкс.

Кампањата „Биди фер! За детство без пречки“ е дел од пошироката програма поддржана од УНИЦЕФ за унапредување на правата на децата со попреченост и е поддржана од регионалниот проект финансиран од ЕУ и УНИЦЕФ „Заштита на децата од насилство и унапредување на социјалната инклузија на децата со попреченост во земјите од Западен Балкан и Турција“.

Види ја способноста, не попреченоста

Пред речиси една година го поставивме прашањето, “како реагираат луѓето кога се услужени од фармацевтски техничар со Даунов синдром”. Сега, откако сите имавме можност да се запознаеме со способностите на Нина, повторно го поставивме истото прашање. Погледнете ги реакциите и пишете ни дали вие чувствувате промена во ставовите на луѓето околу вас? #ЗаДетство #БезПречки #thisability

Posted by UNICEF MK on Friday, November 24, 2017

 

Автор

Leave a Reply

Your email address will not be published. Required fields are marked *

*

Marketing365 Marketing365 Marketing365