Меѓународниот фестивал на креативноста Cannes Lions ги објави првите добитници на престижните награди, во рамки на категориите „Audio & Radio Lions“, „Creative Brand Lions“, „Creative B2B Lions“, „Health & Wellness Lions“, „Lions Health and United Nations Foundation Grand Prix for Good“, „Outdoor Lions“, „Pharma Lions“ и „Print & Publishing Lions“.
„Избраните победнички проекти јасно покажуваат дека креативноста е двигател на растот за луѓето, бизнисот и општеството, поставувајќи глобален репер за креативна извонредност. Им благодарам на сите членови на жирито за нивната посветеност, великодушно вложеното време и длабоката експертиза во препознавањето на проектите што ги подигнуваат креативните стандарди“ – изјави Сајмон Кук, извршен директор на LIONS.
Во категоријата „Audio & Radio Lions“, која ја слави креативноста во аудио-комуникациите, беа примени 513 пријави, а доделени се 15 награди: две златни, пет сребрени и седум бронзени. Гран при наградата ја освои проектот „Coquí Alarmed“ за Hyundai Puerto Rico, реализиран од агенцијата BBDO Puerto Rico од Гвајнабо. Кампањата го замени стандардниот звук за заклучување на изнајмените возила со повикот на жабата коќи – симбол на порториканската култура.
Новата категорија „Creative Brand Lions“, воведена оваа година, ги наградува брендовите кои создаваат системи, култура и капацитети што овозможуваат континуирано врвен креативен маркетинг. Од вкупно 73 пријави беа доделени две признанија, а Гран при наградата му припадна на проектот „AB InBev: Creativity at Scale“ на Anheuser-Busch InBev од Левен, Белгија.
Во категоријата „Creative B2B Lions“ беа примени 355 проекти, а доделени се 11 награди. Гран при освои проектот „The Faroe Islands Space Program“ за SKF, создаден од NORD Stockholm.
Во „Health & Wellness Lions“, каде беа пријавени 889 проекти, Гран при наградата ја доби „The Periodic Fable“ за The Ordinary, реализирана од SMUGGLER и Uncommon Creative Studio од Лондон.
Наградата „Lions Health and United Nations Foundation Grand Prix for Good“ му беше доделена на проектот „Vehicle of Hope“ за Caritas, изработен од Differ Stockholm.
Во „Outdoor Lions“ пристигнаа 1.410 пријави, а Гран при наградата ја освои „Field Barcode“ за Mercado Livre, создадена од GUT São Paulo.
Во „Pharma Lions“, со 236 пријави, највисокото признание го доби кампањата „Relax Your Tight End“ за Novartis, реализирана од Fallon од Минеаполис.
Во категоријата „Print & Publishing Lions“, каде беа пријавени 418 проекти, Гран при освои „Look Familiar?“ за Heinz Ketchup, создадена од агенцијата Rethink од Торонто.
Доделени беа и неколку специјални признанија.
Во категоријата „Healthcare Network of the Year“ првото место им припадна на Klick Health, пред Ogilvy Health и Real Chemistry. Во категоријата „Healthcare Agency of the Year“ победи Klick Health од Торонто, пред Ogilvy Health од Њујорк и 21GRAMS од Њујорк.
На свечената церемонија беше врачена и наградата „Entertainment Person of the Year 2026“ на Еди Кју, виш потпретседател за услуги и здравство во Apple.
Сите финалисти и добитници се достапни за разгледување на платформата The Work. Повеќе информации за фестивалот се достапни на canneslions.com.
