До 2026 година, компаниите веќе нема да се делат на „дигитални“ и „традиционални“, туку на оние што ја користат технологијата за да извршуваат задачи автономно и оние што сè уште само ја користат за комуникација.
Оваа радикална промена ќе биде во фокусот на првиот панел на The Economist MeetUp, насловен „Дигитализација, вештачка интелигенција и сајбер безбедност – Новата архитектура на економијата“. На сцената ќе се соочат визионерите кои ја носат оваа трансформација – од AI агенти кои заменуваат цели оддели, до финтек иновации кои го менуваат начинот на финансирање.
AI агенти: Крај на чекањето на „оператор“
Ведран Бајер, регионален директор на израелскиот стартап Wonderful (кој неодамна обезбеди инвестиција од 134 милиони долари), најавува нова ера во корисничката поддршка. Неговата теза е „длабока локализација“ – технологија која не само што го разбира јазикот и културата, туку и автономно решава проблеми.
„Фундаменталната промена е преминот од алатка за информации кон алатка за егзекуција. Нашите AI агенти не само што даваат инструкции, тие можат автономно да променат пакет во системот или да решат жалба, успешно затворајќи 80% од барањата без човечка интервенција,“ истакнува Бајер.
Образованието мора да ја претрка технологијата
Но, кој ќе управува со овие системи? Валентина Тасева од Семос Едукација, која слави 30 години лидерство, предупредува дека имплементацијата на AI е стратешки, а не само технички процес.
„Најголемата промена ја носи вештачката интелигенција, која веќе не е само технолошка алатка, туку дел од секојдневието. Само во 2025 реализиравме скоро 1000 сертифицирани обуки за AI,“ вели Тасева, нагласувајќи дека целта е AI да донесе мерлива бизнис вредност преку ефикасност.
Финтек и телекомуникации: Брзи финансии на безбедна инфраструктура Дигиталната трансформација е невозможна без иновативни финансиски модели и робусна мрежа. Бјанка Катру, заменик извршен директор на М Кеш, ќе ја отвори темата за финтек револуцијата. Во свет каде корисниците очекуваат „сега и веднаш“, таа ќе зборува за тоа како напредните алгоритми и автоматизираната проценка на ризик го заменуваат традиционалното банкарско чекање, овозможувајќи пристап до капитал во реално време – клучен предуслов за динамична економија.
Но, сето ова е неодржливо без сигурна основа. Стевчо Ристески, директор за продажба на А1 Телеком, ќе потсети дека „паметните“ решенија бараат врвна поврзаност (connectivity). Тој ќе стави акцент на сајбер безбедноста како „имунолошки систем“ на секоја модерна компанија и улогата на телекомуникациските оператори во заштитата на критичните бизнис податоци во 2026 година.
Зошто овој панел е задолжителен? „The Economist MeetUp“ ќе понуди одговори на клучните прашања:
- Дали македонските компании се подготвени за AI што „размислува“?
- Како дигитализацијата ги менува правилата на финансискиот пазар?
- Кои вештини ќе бидат пресудни за да се остане конкурентен?
Бидете дел од разговорот што ја дефинира 2026-та на 18 декември на The Economist MeetUp – Светот во 2026. Дознајте повеќе на https://economistmeetup.com.mk/
