Home » Најнови вести » Порталот ЕКИПА за својот петгодишен јубилеј со признанија за пет најдобри македонски спортисти на сите времиња

Порталот ЕКИПА за својот петгодишен јубилеј со признанија за пет најдобри македонски спортисти на сите времиња

Во годината кога го прославува својот петгодишниот јубилеј, еден од највлијателните домашни спортски медиуми, порталот ЕКИПА ги избра петте најдобри македонски спортисти на сите времиња, на кои им го додели и признанието „ВРВЕН АС – ЕДЕН ОД НАС“.

Ekipa 5 godini priznanija 3

ЕКИПА, петгодишниот роденден, меѓу другото, го одбележува со изборот на пет имиња кои ја одбележаа македонската спортска историја, а кои заслужуваат да бидат потенцирани пред домашната јавност. Според ЕКИПА, најдобрите во историјата на Македонија во светот на спортот се:

Перо Антиќ, двократен европски шампион со Олимпијакос, лидер на македонската репрезентација која стигна до 4.место на ЕП во Литванија, и прв и досега единствен македонски кошаркар кој заиграл во НБА лигата.

Кирил Лазаров, европски шампион со Барселона, рекордер по бројот на постигнати голови на СП. Лазаров е со повеќе од 50 трофеи во својата ракометна кариера и е долгогодишен капитен на македонската ракометна репрезентација, со која беше петти во Европа.

Шабан Трстена, „златното момче“ на македонското борење. На Олимписките Игри во Лос Анџелес во 1984 година се искачи на највисокото место на пиедесталот, блескајќи во дресот на поранешна Југославија. Со само 19 години го покори светот, и тоа на најголемиот спортски настан, Олимписките Игри.

Дарко Панчев, најдобриот македонски фудбалер во 20.век. Европски и светски шампион со Црвена Звезда, репрезентативец на СФРЈ и учесник на Светското првенство 1990 во Италија.

Горан Пандев, најдобриот фудбалер во поновата наша историја, европски шампион со Интер, и освојувач на бројни титули во Италија, со Лацио, Интер и Наполи.

„Ова се пет имиња, според нашиот избор, вредни за максимална почит, која во македонски рамки можеби и не ја добивааат каква што секако ја заслужуваат. Можеби оваа награда од ЕКИПА и не е „златна“, но сигурно уште еднаш ќе ги потврди како златните спортисти на Македонија. Убаво е кога некој е ’врвен ас, а истовремено и еден од нас’“ – велат од редакцијата на ЕКИПА.

Како што нагласуваат од ЕКИПА, до прославата на нивниот роденден на почетокот од септември, наредниот период на страниците на својот портал (www.ekipa.mk) на читателите ќе им сервираат и пет ексклузивни интервјуа со петте издвоени спортисти.

Автор Marketing365

Маркетинг365 (М365) е прв македонски портал кој во фокусот ја има маркетинг, медиа и ПР индустријата во Македонија. Формиран е во 2011 година и во своето досегашно постоење има добиено неколку домашни и меѓународни признанија вклучувајќи ги и “Блог на годината“ (прво место, 2011 и 2015 год.), “Највлијателен балкански блог кој доаѓа од Македонија“ (прво место 2012) и “Најдобар бизнис-информативен веб сајт“ (второ место, 2014). Почнувајќи од февруари 2015 година, Маркетинг365 е официјален претставник во Македонија на најпознатиот светски креативен фестивал Cannes Lions. Тимот на М365 го сочинуваат активни професионалци од маркетинг, медиа и ПР индустријата во Македонија. e-mail : contact@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365