Home » Во фокусот » Повеќедневно дизајнерско искуство за публика со изострени сетила

Повеќедневно дизајнерско искуство за публика со изострени сетила

Деветто издание на Скопје постер фестивал ќе се организира од 21-ви до 30-ти ноевмри 2016 година во Музеј на Град Скопје. Во првите три дена од Фестивалот ќе се организираат и тематски работилници.

Програмата на 9. Скопје постер фестивал ќе ги заинтересира студентите по графички дизајн, визуелни комуникации и сродни насоки, но ќе биде атрактивна и за професионалните дизајнери и за пошироката публика.

Криза на идентитет двострано 2016 скопје постер

Криза на идентитет двострано 2016 скопје постер

Мишел Буве (Франција), Фонс Хикман (Германија), Фин Нигард (Данска), Ришард Каја (Полска) и Тони Васиќ (Македонија) се членови на жирито кои ќе одржат свои презентации и работилници на теми: дизајнирање на џез плакат, дизајнирање на социјален постер, дизајнирање на постер за промоција на Македонија како туристичка дестинација.

И оваа година имаме жири кое е составено од експерти од сите гранки на графичкиот дизајн – илустратори, типографи, калиграфи, плакатисти“, изјавија од Плакарт.

Младите надежи на графичкиот дизајн од целиот свет аплицираа на 9. Меѓународен студентски конкурс за плакат. Темата на овогодинешниот фестивал е „Криза на идентитетот“. Поттикот за избор на оваа тема, велат од организацијата, е потребата од реакција против етничката, културната, верската, возрасната и половата подвоеност, следствено врз идентитетските прашања е фрлено поинакво светло!

Криза на идентитет двострано 2016 скопје постер

Криза на идентитет двострано 2016 скопје постер

Се поголем интерес за овој конкурс е видлив преку поголемиот број пристигнати плакати – 32% повеќе од минатата година. Радува и фактот што се поголем број на академии во рамки на своите академски програми го воведуваат и овој конкурс“, истакнаа од Плакарт.

Победниците ќе бидат објавени на отворањето на 9. Скопје постер фестивал, на 21 ноември во Музејот на град Скопје, кога ќе бидат отворени и други поставки, како што се изложбата на специјална селекција на плакати од гореспоменатите постер-мајстори, плакати од победниците на минатогодипниот конкурс, како и плакатите кои беа работени на работилници за овогодинешниот 9. Скопје постер конкурс.

На следниот линк може да се аплицира за учество на работилниците и презентациите:  http://skopjeposter.com/mk/nastani/

Автор Marketing365

Маркетинг365 (М365) е прв македонски портал кој во фокусот ја има маркетинг, медиа и ПР индустријата во Македонија. Формиран е во 2011 година и во своето досегашно постоење има добиено неколку домашни и меѓународни признанија вклучувајќи ги и “Блог на годината“ (прво место, 2011 и 2015 год.), “Највлијателен балкански блог кој доаѓа од Македонија“ (прво место 2012) и “Најдобар бизнис-информативен веб сајт“ (второ место, 2014). Почнувајќи од февруари 2015 година, Маркетинг365 е официјален претставник во Македонија на најпознатиот светски креативен фестивал Cannes Lions. Тимот на М365 го сочинуваат активни професионалци од маркетинг, медиа и ПР индустријата во Македонија. e-mail : contact@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365