Одличен почеток на фестивалот за Google, McCann Tel Aviv, Wieden+Kennedy Portlant, McCann Health и Impact BBDO
Синоќа се прогласени првите победници на Меѓународниот фестивал на креативноста Cannes Lions, и тоа во категориите Health & Wellness, Pharma, Design, Outdoor и Print & Publishing Lions.
Вкупно 1.186 пријави од 52 земји се пријавени во категоријата Health & Wellness Lions, а 33 од нив освоија Лавови: 1 Гранд При, 5 златни награди, 10 сребрени награди и 17 бронзени награди.
Гранд При освои McCann Tel Aviv за кампањата на Икеа “ThisAbles”, каде што овај ланец на продавници создаде додатоци за постоечките производи со цел да ги направи попристпни за лицата со инвалидитет.
Од 363 пројави од 23 земји во категоријата Pharma Lions, 11 се наградени со лавови – 1 Гранд При, 2 злата, 3 сребра и 5 бронзи.
McCann Health од Шангај доби Гранд При за “Breath of Life“, дијагностичка алатка направена за фармацевтската куќа GSK Glaxosmithkline.
Оваа година не е доделен Lions Health Grand Prix for Good, a Rajesh Mirchandani, директор за односи со јавност на Обидинетите нации, објасни: „Ова ни зборува дека делувањето за добробит не е повеќе резервирано само за добротворни организации или за јавниот сектор. Компаниите ги прифаќаат целите на одржливиот развој и можеби е време да се размислува за рекалибрација на оваа награда, така што да се отвори и за добротворни организации и брендови кои ја прифаќаат општествената одговорност “.
Во категоријата која ја слави визуелната уметност, Design Lions, примени се 1.469 пријави од 65 земји, а доделени се 47 лавови: 1 Гранд При, 6 злата, 16 сребра и 24 бронзи.
Google Creative Lab, Њујорк, освои Гранд при за проектот ‘Creatability’, кој истражува како креативните алатки – цртање, музика и други – можат да бидат направени достапни преку веб и технологија на вештачка интелигенција.
Вкупно 2.389 пријави пристигнале од 66 земји во категоријата Outdoor Lions, а 65 кампаи освоија лавови. Жирито додели: 1 Гранд При, 10 злата, 20 сребра и 34 бронзи.
Агенцијата Wieden + Kennedy Portland доби Гранд При за ‘Nike Dream Crazy | Colin Kaepernick‘, продолжение на кампањата ‘Just Do It’ во која централна улога има Колин Каперник.
Кога е во прашање најдобото од креативноста во принтот, од 1.252 пријави од 62 земји кои се натпреваруваа во Print & Publishing Lions, доделени се 32 лавови: 1 Гранд При, 6 злата, 7 сребра и 18 бронзи.
Гранд При во оваа категорија доби Обединети Арапски Емирати, каде што агенцијата Impact BBDO Dubai го направи проектот “Blank Edition” за водечкиот либански дневен весник An-Nahar, издаден како форма на протест против политичката ситуација во Либан.
Вчера се објавени и следните посебни награди:
Cannes Lions Healthcare Network of the Year добија: 1.McCann Health; 2. FCB Health; 3. Havas Health & You.
Cannes Lions Healthcare Agency of the Year: 1. McCann Health, Шангај; 2. Area 23, дел од FCB Health Network, Њујорк; и 3. Havas Lynx, Манчестер.