Гугл објави извештај во кој се наведува дека добро функционираат нивните напори да ги блокираат несаканите интервенции на луѓе кои ја користат пандемијата за да измамат потрошувачи.
Како што истакнаа, тие особено внимание обрнуваат на рекламите откако започна пандемијата на корона вирусот.
„Ние внимателно го следивме однесувањето на огласувачите за да ги заштитиме корисниците од реклами кои сакаат да ја искористат оваа криза. Како што се одвиваше ситуацијата, забележавме остар скок на лажни реклами за производи за кои има поголема побарувачка, како што се маски за лице“, наведуваат од Гугл.
Интернет гигантот за пребарување, кој е светски лидер во рекламирањето преку интернет, формирал специјален тим што ќе се спротивстави на постојаниот проток на лажни или опасни реклами.
Ваквите рекламни измами, на пример, имаа вистински врв во понудата на заштитни маски за лице, се вели во извештајот. Цените беа многу пати повисоки од вообичаеното, а квалитетот не ја исполни објавената цена.
Тимот веќе блокираше и отстрани десетици милиони реклами поврзани со новиот коронавирус во последните месеци. Компанијата, исто така, отстрани еден милион профили на оние кои се рекламираат.