Home » FMCG » Традиционалната млекарница Бучен Козјак со нов изглед: нов дизајн за новото време

Традиционалната млекарница Бучен Козјак со нов изглед: нов дизајн за новото време

Една од најстарите млекарници во Македонија, позната по извонредниот квалитет и уникатниот вкус на своите млечни производи со цел да се доближи уште повеќе до своите купувачи го редизајнираше корпоративниот  идентитет и поголемиот дел од своите производи: јогурт, свежо млеко, кисело млеко и сурутка. Производите со новиот изглед ќе бидат доспапни на полиците на маркетите од денес 14.09.2018.

Млекарницата,  која е позната по силната традиција и фамилијарност кои ги носи во основата на своите вредности, се одлучи за овој радикален редизајн од повеќе причини:

  1. задржување и зголемено приближување кон своите купувачи
  2. одговор на естетските преференции на помладите генерации
  3. следење на трендовите на светкиот дизајн на млеко и млечни производи
  4. поместување на стандардите за дизајн на македонските млечни производи.

Чистиот, минималистилки и строг дизајн се одлика на зрелоста и јасната визија на млекарницата. А пак, храбрата различност што продуктите на Бучек Козјак ќе ја носат на полица преку новиот дизајн на амбалажата е одлика на врвниот квалитет и технологија на производство.

На процесот на редизајн на Бучен Козјак им претходеше модернизација и инвестиција во технологијата на производствениот процес и контрола, кои производите ги доведоа до највискок квалитет.

,,Во процесот на редизајнирање влеговме одлучно но и претпазливо, со намера да ја пренесеме јасно пораката до нашите корисници дека сме подготвени за динамиката на сегашноста и идината. Ова не е само редизајнирање на амбалажата, туку нов концепт на размислување, кој е во склад со технологијата и времето во кое делуваме, а со почит кон традицијата и вредностите“ – изјави Анита Спасовска, генерален директор на Бучен Козјак.

Редизајнирањето на Бучен Козјак е доказ за високите естетски вредности на македонските производители, што пак се производ од примената на високи стандарди на млекарницата во своето работење и на индустријата воопшто.

Оваа промена е симптом на развој кај домашните производители, кои се назначајни чинители за економскиот раст на државата и носат оптимизам и прогрес како во индустриската гранка, така и во општеството.  А пак купувачите и љубителите на млечни продукти, ќе уживаат дополнително во совршено редизајнираните вкусни продукти на млекарницата.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365