Клучни сесии со Сам Барнет и Јенс Рихтер, индустриски панели за хибридната дистрибуција на телевизиски содржини и динамиката на пазарот во Централна и Источна Европа, како и ексклузивни проекции на The Walt Disney Company, ITV Studios, Audiovisual from Spain и Paramount Global Content Distribution го одбележаа вториот ден од настанот
Од стратешки разговори за иднината на телевизијата и дистрибуцијата на содржини до ексклузивни проекции и вечерни настани за вмрежување, вториот ден уште еднаш потврди зошто NEM Dubrovnik 2026 е клучен настан за ТВ индустријата во регионот на Централна и Источна Европа.
Утрото започна со дружење за вмрежување во рамките на програмата „Coffee Time powered by Istanbul Chamber of Commerce“, додека состаноците продолжија во текот на целиот ден во рамките на маркетот, во зоните Sunset, Mare и Adriatic.
Првиот настан во денот беше панелот „The Leader’s Decision Making: Intuition vs. Strategy“, модериран од Марија Валензуела. Дискусијата беше посветена на начинот на кој водечките луѓе од индустријата воспоставуваат рамнотежа помеѓу стратегиите засновани на податоци и интуицијата и искуството во деловно опкружување што брзо се менува. Своите размислувања и искуства ги споделија Ави Армоза, Наталија Горшчак, Хенрик Шнајдер, Стела Литу, Арно Верлак и Бартош Витак.
Потоа следуваше клучна сесијата „How Local Content Wins in a Global Market and What Makes CEE Region Special“ со Сам Барнет, главен извршен директор на CME, кој зборуваше за тоа како локалната содржина продолжува да остварува успех на глобалниот пазар и што го прави регионот на ЦИЕ посебен.
„Локалното победува. Тоа е заклучокот на кој постојано му се навраќам по два дена поминати на NEM. Публиката во нашиот дел од светот сака приказни вкоренети во сопствената култура, сопствената историја и сопствениот момент, а тоа е единственото нешто што ниту еден глобален конкурент не може да го произведе или купи. Во CME веќе триесет години го градиме токму тоа: содржина што ја познава својата публика, редакции на кои луѓето навистина им веруваат, а сега и технологија што ни овозможува тоа да го правиме во обем и квалитет што ги менуваат правилата на играта. Разговорите на NEM оваа година беа поостри од кога било. Оваа индустрија знае дека се наоѓа во пресвртна точка, а луѓето во оваа сала ќе бидат тие што ќе одредат како ќе се развиваат работите понатаму“, изјави Сам Барнет.
Трендовите во меѓународната продукција останаа во фокусот и за време на презентацијата „ITV Studios Presents: New Formats & Breakout Hits“, која ја водеа Хуб ван Балегуј и Мартајн Плајзиер, нудејќи им на учесниците ексклузивен увид во претстојните формати и глобални хитови.
Иднината на телевизиската дистрибуција беше тема на панелот „The Hybrid Future of TV Distribution in 2026. Is Satellite Still ‘Sexy’, Relevant or Just Necessary?“, организиран под покровителство на SES. Учесниците Михај Урсои, Керолајн Хармсон, Лучина Коба, Јакуб Бжечковски и Маријана Вукашиновиќ разговараа за тоа како хибридните сателитско-OTT модели ја трансформираат дистрибуцијата на содржини, додека сателитската технологија и понатаму има клучна улога во преносите во живо, сигурноста, досегот, одржливоста и економичната дистрибуција.
Учесниците имаа можност да се запознаат и со најновите проекти од шпанската продукција преку презентацијата „Spain Upfront by Audiovisual from Spain“, на која учествуваа претставници на Atresmedia, Mediterraneo, Movistar Plus International, RTVE, Secuoya Studios и Artico Distribution.
Попладневната програма вклучи и ексклузивна проекција организирана од The Walt Disney Company, по што следуваше панелот „Why CEE Operators’ Decisions Work Differently“. Дискусијата истражуваше зошто регионот на ЦИЕ не може да се сведе на поедноставени приказни за помали пазари или пониски буџети. Наместо тоа, говорниците истакнаа дека регионот функционира според поинакви правила, обликувани од специфичната пазарна динамика, навиките на публиката и деловните приоритети. Своите ставови ги споделија Лука Борцата, Петер Васонг, Елена Петрова, Томислав Чизмиќ и Силвија Сабо.
„Словенија е мал, но многу барачки пазар, каде што потрошувачите очекуваат исто ниво на квалитет во поврзаноста, содржините и дигиталните услуги какво што е достапно на најголемите европски пазари. Долгорочното исполнување на тие очекувања бара средина што поддржува инвестиции, иновации и одржлив развој на секторот. Само така можеме да продолжиме да обезбедуваме квалитет, сигурност и корисничко искуство какво што потрошувачите очекуваат“, истакна Томислав Чизмиќ, претседател на Управниот одбор на Telemach Slovenia.
Уште еден од клучните моменти на програмата беше клучната сесија „Then, Now and Next: How Content, Platforms and Value Have Transformed“, на која Јенс Рихтер, извршен директор на Fremantle, зборуваше за еволуцијата на глобалната индустрија за содржини и промените што ги обликуваат очекувањата на гледачите и деловните модели.
„Пред десет години Fremantle беше првенствено насочен кон забавни формати, особено талент-шоуа и силно портфолио на квизови. Околу 2015 година направивме значителен исчекор кон драмската продукција, најпрво преку премиум серии. Во текот на изминатата деценија го проширивме нашето присуство и во сегментот на мејнстрим драмата. Влеговме и во областа на документарните содржини, комбинирајќи висококвалитетни документарци со долгорочно успешни формати, а во последните неколку години се прошируваме и кон филмската продукција“, објасни Јенс Рихтер.
Дневната програма беше заокружена со проекција организирана од Paramount Global Content Distribution, при што учесниците имаа можност да ги откријат најновите премиум играни серии на Paramount претставени на LA Screenings, меѓу кои Eternally Yours, The F Ward, Cupertino и Einstein, како и возбудлива понуда на меѓународни формати.
Со зајдисонцето над јадранскиот брег, учесниците продолжија со вмрежување за време на Happy Hour дружењето организирано од Paramount Global Content Distribution, а вечерта заврши на плажата Вала со „Tuesday Night featuring Groove Assembly ft. Vanda Winter“, поддржано од Eutelsat, IKO Media Group, Mediatranslations, UniqCast и Videomite.
NEM Dubrovnik 2026 продолжува и утре со нови панели, проекции, состаноци и можности за вмрежување, собирајќи ги најважните носители на одлуки од телевизиската и медиумската индустрија.
