Home » Во фокусот » Wall Street Journal ќе публикува содржини на Snapchat

Wall Street Journal ќе публикува содржини на Snapchat

Wall Street Journal e 19-от издавач кој се вклучува во програмата за публикување Discover на мобилната апликација Snapchat. Карла Занони, уредник одговорен за развој на публиката на весникот, вели дека ова е идеален начин медиумот да го привлече и задржи вниманието на младите читатели, кои потоа може да станат претплатници.

wall street journal snapchat

“Како медиум бараме нови платформи на кои ќе ги шириме нашите содржини”, додава Занони. “Корисниците на Snapchat кои имаат чувство за бизнис, се ликовите на нашите идни стории. Тие се читателите кои ќе изградат долгорочна врска со Wall Street Journal”, вели таа.

Бизнис изданието е меѓу медиумите кои користат т.н. paywall – т.е. даваат пристап до своите содржини по плаќање на претплата. Ова, за возврат го прави тешко привлекувањето на читатели од помладата публика. Според аналитичарите партнерството помаѓу компаниите ќе биде корисно за двете страни. Преку него, Wall Street Journal ќе има пристап до над 100 милиони лица од милениумската генерација (лица на возраст помеѓу 18 и 35 години), кои секој ден ја користат мобилната апликација. Snapchat ќе може да привлече посериозна и платежноспособна публика и нови огласувачи.

Автор Marketing365

Маркетинг365 (М365) е прв македонски портал кој во фокусот ја има маркетинг, медиа и ПР индустријата во Македонија. Формиран е во 2011 година и во своето досегашно постоење има добиено неколку домашни и меѓународни признанија вклучувајќи ги и “Блог на годината“ (прво место, 2011 и 2015 год.), “Највлијателен балкански блог кој доаѓа од Македонија“ (прво место 2012) и “Најдобар бизнис-информативен веб сајт“ (второ место, 2014). Почнувајќи од февруари 2015 година, Маркетинг365 е официјален претставник во Македонија на најпознатиот светски креативен фестивал Cannes Lions. Тимот на М365 го сочинуваат активни професионалци од маркетинг, медиа и ПР индустријата во Македонија. e-mail : contact@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365