Огласувачката групација WPP значително ја прошири својата соработка со Henkel, обезбедувајќи го глобалниот креативен и продукциски ангажман за Henkel Consumer Brands. Договорот ги опфаќа водечките брендови како Persil, Schwarzkopf и Syoss, што претставува значаен чекор напред во нивното партнерство.
Проширувањето следи по претходниот успех на WPP, кој минатата година го доби консолидираниот медиумски бизнис на Henkel во Европа. Ваквиот развој ја позиционираат групацијата како клучен стратешки партнер во поддршката на глобалните амбиции за раст на Henkel преку поинтегриран маркетинг пристап.
Новиот договор е резултат на глобален ревизиски процес кој траел повеќе од една година. Од Henkel биле во потрага по глобален партнер кој може да обезбеди целосни решенија – од креативни концепти до маркетинг технологии, со цел да се постигнат мерливи резултати низ нивното широко портфолио на брендови.
„Возбудена сум што го прошируваме нашето партнерство со Henkel Consumer Brands, сега и со интегрирани креативни и продукциски услуги. Оваа победа е силен доказ дека нашата стратегија Elevate28 навистина функционира. Амбицијата на Henkel за извонредност во маркетингот од почеток до крај совршено се усогласува со нашата способност да ја обединиме креативноста од светска класа со трансформативните можности на WPP Open, нашата агентска маркетинг платформа. Надградувајќи го успехот од нашето европско медиумско партнерство, подготвени сме да го забрзаме растот на Henkel преку поврзување на креативата, продукцијата и медиумите во еден беспрекорен систем. Ова е моделот според кој WPP обезбедува доверлив раст за водечките светски брендови“ – истакнува Синди Роуз, генерална извршна директорка на WPP.
Воспоставеното партнерство ја одразува и пошироката тенденција во индустријата кон интегрирани маркетинг решенија, каде технологијата и креативноста дејствуваат синхронизирано во функција на глобалниот раст на брендовите.
