Home » Во фокусот » YouTube тврди дека обезбедува повисок поврат на инвестиции отколку телевизијата

YouTube тврди дека обезбедува повисок поврат на инвестиции отколку телевизијата

YouTube тврди дека нивното ново истражување покажува дека 77 проценти од кампањите на видео сајтот имаат “повисокт поврат на инвестиции отколку телевизијата,” но емитувачите инсистираат дека тоа “не е изненадување” бидејќи брендовите трошат “релативно мали” суми на YouTube.

YouTube 1

YouTube, кој е во сопственост на Google, спровел мета-анализа на 56 студии на случај во осум држави, кои “покажуваат како онлајн видеата допринесуваат кон продажбите и докажуваат дека треба да имаат поголем уддел во медиа миксот.”

YouTube цитираше кампањи за неколку брендови, вклучувајќи го и производителот на чоколади Mars, кои добиле “двојно поголем поврат на инвестиции во споредба со телевизијата за секоја потрошена фунта на достигнување до главниот купувач,” а компанијата за јогурт Danone, која имала “поврат на инвестиции два до три пати повеќе на YouTube отколку на телевизија за секое потрошено евро.”

“Постои голема можност за маркетерите да ги поттикнат офлајн продажбите поефикасно така што ќе го оптимизираат својот медиа микс,” изјавија од Google, додавајќи дека “истражувањето покажува дека повратот на инвестиции за YouTube кампањи е повисок од оној на телевизија при мерењето на постојаните нивоа на трошење.”

Истражувањето се осврна и на 17 други кампањи и предвидува дека трошењето на YouTube треба да биде “двојно повеќе од историските нивоа за да се оптимизира медиа миксот и да дава подобар поврат на инвестиции.”

Мет Хил, директор за истражување и планирање во Thinkbox, трговското тело за комерцијална телевизија, изјави: “Добро е што Google почнува да гледа на адвертајзинг ефективноста на YouTube. Но, не постојат изненадувања во ова истражување – добриот поврат на инвестиции на релативно мало трошење не треба да изненади никого. Трикот е да се има добар поврат на инвестиции кога нивоата на трошење се зголемуваат и продолжуваат да се зголемуваат.”

Тој додаде: “Вистинската вредност на ТВ адвертајзингот не само во повратот на инвестиции, туку тоа што продолжува да реализира висок поврат на инвестиции при високи нивоа на трошење – и ќе продолжи така уште долго време. Барем 50% од ефектот на една ТВ кампања се чувствува дури во годината после оригиналното емитување.”

“Предизвиците на YouTube се можноста за прескокнување и приспособување. Ако брендовите го зголемат своето трошење на YouTube, тогаш веројатно е дека ќе посведочат како нивниот поврат на инвестиции паѓа, имајќи ги во предвид предизвиците со кои се соочуба YouTube како медиум,” заклучи Хил.

YouTube агресивно ги таргетира ТВ буџетите, а претседателот на Google за Европа, Блискиот Исток и Африка, Мет Бритин, водеше панел на Advertising Week Europe насловен како “The future of entertainment will not be televised”, при што го дискутираше и истражувањето.

YouTube инсистира дека употреби “робустни методологии” за своето истражување, користејќи сопствени податоци на Google, како и податоци од трети извори како BrandScience, Data2Decisions, GfK, Kantar Worldpanel, MarketingScan и MarketShare.

Минатата година, YouTube ги налути емитувачите тврдејќи дека брендовите треба да репозиционираат 24 проценти од своите ТВ буџети за стриминг сајтот за да допрат да милениумската публика на возраст од 16 до 24 години.

Thinkbox, во свое сопствено истражува објавено минатата недела, базирано врз независни податоци, покажа дека ad reach-от на YouTube преку телевизија и видео е само 1.4 проценти.

Автор Marketing365

Маркетинг365 (М365) е прв македонски портал кој во фокусот ја има маркетинг, медиа и ПР индустријата во Македонија. Формиран е во 2011 година и во своето досегашно постоење има добиено неколку домашни и меѓународни признанија вклучувајќи ги и “Блог на годината“ (прво место, 2011 и 2015 год.), “Највлијателен балкански блог кој доаѓа од Македонија“ (прво место 2012) и “Најдобар бизнис-информативен веб сајт“ (второ место, 2014). Почнувајќи од февруари 2015 година, Маркетинг365 е официјален претставник во Македонија на најпознатиот светски креативен фестивал Cannes Lions. Тимот на М365 го сочинуваат активни професионалци од маркетинг, медиа и ПР индустријата во Македонија. e-mail : contact@marketing365.mk

Leave a Reply

Your email address will not be published. Required fields are marked *

*

Marketing365 Marketing365 Marketing365