Home » Во фокусот » Со растот на популарноста на аудио технологиите, огласувачите се свртуваат кон звучно брендирање

Со растот на популарноста на аудио технологиите, огласувачите се свртуваат кон звучно брендирање

Зошто Visa, California Closets и други компании работат на звучно брендирање

Извор: Adweek

Звукот е моќна алатка која може да предизвика одредени спомени или емоции во нашиот мозок. Звукот е основна алатка на сите огласувачи кои користат џинглови за да се поврзат емоционално со потрошувачите, било на телевизија или на радио. Но, со зголемувањето на популарноста на новите аудио технологии како што се Amazon Echo или Google Home Assistant, кои од ден на ден стануваат сè повеќе дел од нашите животи, за брендовите станува сè поважно да ја креираат истата таа емоционална врска, но без слика, само со помош на звукот.

Тука во приказната влегува звучното брендирање, т.е. користењето на звук, песни или мелодии заради зајакнување на идентитетот на брендот.

Visa покажа дека звукот може да им влее сигурност на корисниците кога тие вршат финансиски трансакции, како и дека 81% од клиентите позитивно одговараат на Visа доколку вклучат звук или анимација во своето маркетинг или шопинг искуство. Имајќи го тоа во предвид, брендот го претстави својот нов, посебен звук во декември. По користењето на картичката Visa, без разлика дали во дигитална или физичка продавница, корисниците слушаат одредена мелодија, која означува безбедна и брза трансакција. 83% од испитаниците изјавиле дека новиот звук предизвикал позитивна перцепција за брендот.

Имајќи предвид дека плаќањето станува многу поедноставно, а можеби и се` повеќе поврзано со искуствата и новите места, почнавме да размислуваме за тоа како брендот Visa може да се манифестира во формати кои се сосема различни од продавниците или дигиталнте веб страници“, вели Лин Бигар , директор за маркетинг и комуникации на Visa. Таа објаснува дека овие искуства и локации би можело да бидат вашиот автомобил, дом или вашите паметни уреди.

Но, Visa не е осамена во нејзината одлука да се фокусира на звучно брендирање, т.е.”користењето на звукот за зајакнувањена идентитетот на брендот”, како што тоа го опишува Одри Арбени, основач и извршен продуцент на агенцијата за звучно брендирање, Audiobrain. Овој звук може да биде некој џингл, или мнемоничен звук.

Во последниве месеци, стриминг платформата Pandora ја интензивираше својата работа со брендовите, вклучувајќи ја компанијата California Closets, со цел да развие звучни маркетинг кампањи со посебен акцент на тоа како брендовите размислуваат за звучниот идентитет.

Денес, главната валута се гласот и звукот, а не екраните“, вели Лорен Нагел, креативен директор во Pandorа. “Мислам дека за многумина звукот на вашиот бренд е сè уште нешто споредно, но како што се движиме кон гласовното управување на светот, звукот станува се поважен“.

Така компанијата California Closets го зголеми капиталот преку зголемувањето на слушателите на подкасти и зголемувањето на стримингот, со помош на Pandorа. Компанијата ги претвори некои од своите ТВ спотови во аудио реклами, во прво време само со преземање на звучниот запис од ТВ рекламата, кои ги пуштале на радио, а потоа Pandora им помогна да го преиспитаат својот целокупен идентитет во звучното опкружување.

„Pandora додаде амбиентални звуци кои направија голема разлика во смисла на разбирање на приказната. Никогаш не размислував за тоа, но тоа навистина и дава живот на приказната – некој во рекламата вели дека ќе му дојдат пријатели во посета, а потоа ќе ги слушнете и пријателите во позадина “, вели Самара Тул, маркетинг директор на California Closets.

Таа тврди дека по пуштањето на овие прилагодени аудио-кампањи, нејзината компанијата бележи огромно зголемување на веб прометот, но не може да открие конкретни бројки. Напоменува дека брендот планира да развие аудио лого – нешто како познатиот звук на Интел или мелодијата на Мекдоналдс „I’m Lovin ‘It“.

Лорен Мекгваер, од музичкото студио Man Made Music, работи во светот на музиката повеќе од една деценија, а исто така се согласува дека за брендовите, сега е поважно од било кога да го вклучат звукот во нивните маркетинг миксови. “Ако музиката создава емоции, тогаш забележуваме зголемување на приврзаност за брендот, прифаќањето на брендот се зголемува, а тоа се метрички податоци кои директно влијаат на рентабилноста. Кога станува збор за сите искуства, брендовите сфаќаат дека емоционалната врска е поважна од кога и да е “, вели Мекгваер.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.

Marketing365 Marketing365 Marketing365