battlestar-galactica-mk-630x90
Home » Во фокусот » Стартуваше регионалниот проект “Balkan Marketing Network”

Стартуваше регионалниот проект “Balkan Marketing Network”

Маркетинг-специјализираните портали Marketing365 од Македонија и Marketing mreža од Србија, стартуваа со реализација на проектот “Balkan Marketing Network“, кој има за цел афирмација на маркетинг и ПР индустријата, вмрежување и деловно поврзување на сите учесници на регионалниот пазар на  комуникации.

Balkan Marketing Network

Идејата на самиот проект е да допринесе за развојот на маркетинг и ПР индустријата во регионот како и да поттикне регионална соработка помеѓу агенциите, огласувачите и медиумите. Исто така, преку заедничките проекти кои ќе ги организираме во иднина ќе се трудиме да поставиме нови повисоки стандарди во фелата и истовремено да промовираме позитивни регионални примери од праксата“ , изјави Борис Ефтимовски, основач и уредник на порталот Маркетинг365.

“Balkan Marketing Network e природен продолжеток на соработката на нашите портали. Следејќи ја индустријата во претходните години, свативме дека на нашите соработници но и на самата индустрија треба да и понудиме нешто повеќе. Нема сомнеж дека само со заеднички снаги и со регионално вмрежување на сите учесници на пазарот можеме да ги подигнеме границите, да ги следиме светските трендови, да оддолееме на предизвиците со кои се соочуваат сите држави од регионот, да развиваме здрава конкуренција а со тоа и да го унапредиме бизнис амбиентот и позицијата на фелата”, изјави Ивана Парчетиќ, основачот и уредник на порталот Маркетинг Мрежа.

Иницијаторите на проектот “Balkan Marketing Network“ , веруваат дека ќе ја продолжат успешната соработка со агенциите, огласувачите и медиумите, како од Македонија и Србија, така и со тие од Хрватска, Босна и Херцеговина, Словенија и Црна Гора – како и со сите други кои сметаат дека ваквата соработка може да им овозможи поддршка и помош, кои веруваат во тоа што го работат, кои имаат што да покажат и кажат, а исто така и сакаат да дадат свој придонес пазарот во регионот да стане подобро место за правење бизнис и на крајот, како такво, да стане конкурентно на европско и светско ниво.

Автор Мирослав Мечкароски

Мирослав е инволвиран во различни маркетинг проекти на различни платформи, со акцент на интернет медиумите и нивното влијание. Омилената дестинација му се бренд стратегиите и јавното говорење (+ПР), а како деликатес ги смета проектниот менаџмент и менаџментот на настани.

ФБ Коментари

comments

Leave a Reply

Your email address will not be published. Required fields are marked *

*

Marketing365 Marketing365 Marketing365