Имајќи во предвид дека многу луѓе ги гледаат своите омилени телевизиски серии со смартфон во рака, директорите на ТВ мрежите се целосно свесни за моќта на совршениот хаштаг.
Додека самиот наслвон на серијата, или името на некој лик, се секогаш релеванти #хаштази, некои од најуспешните одат чекор понатаму: комбинација од познатото и примамливото, се’ во колку што е можно карактери помалку.
“Навистина постои уметност позади хаштагот. Тоа е јазик сам за себе” истакна Колен Мохан, SVP на бренд маркетинг за USA Network. “Тоа е како пишување на наслов или џингл. И внесуваме многу напор во нив.”
Тоа е затоа што интерактивните фанови на Твитер се клучни маркетери за некоја серија. Ново истражување на Nielsen покажа дека серијата Scandal минатата сезона ја имаше најголемата лојалност од која било друга телевизиска емисија на Твитер, со тоа што 24% од Твитер фановите на Scandal твитаат за најмалку три или повеќе епизоди.
Adweek им постави прашање на маркетерите и директорите за социјални медиуми од CBS, The CW и USA да ги споделат своите најдобри телевизиски хаштаг совети. Еве што имаа да кажат:
Нека биде едноставно.
Имајќи го во предвид ограничувањето на Твитер – каде еден твит не може да биде подолг од 140 карактери – концизни и јасни хаштази се неопходни.
“Секогаш сакаме да бидат едноставни, и да ги поврземе со нешто што ќе одекне многу, многу брзо”, рече Мохан. За комедијата без сценарио на USA Chrisley Knows Best, мрежата го користи #ChrisleyNation, “кој стана повик за обединување на фановите”.
USA се одлучуваат и за јасни пораки како #SuitsFinale или #SuitsPremiere, “така што луѓето знаат дека нешто ќе се случува, нешто ќе се случува таа вечер”, додаде Мохан. “Неговот значење е многу јасно, така што луѓето знаат што се случува”.
Еден ‘калап’ не одговара за сите
“Некогаш водите со својата хаштаг стратегија, па така поставувате работи кои сакате луѓето да ги следат и да станат тренд, но понекогаш треба и да следите”, рече Мохан.
Таа стратегија се менува со секоја серија. За новата драма на USA Mr.Robot, “користиме #MrRobot, бидејќи се’ надвор од тоа ќе биде кич или нема да се совпаѓа со бренд-имиџот на таа серија и нема да биде автентично, па затоа никогаш не би го правеле тоа. Но, фановите го измислија #DaBot, па сега го следиме и го користиме кога можиме”.
Тимот на Мохан ќе ја погледне епизодата и “секогаш во џеб ќе имаме некои идеи со кои би ги ‘хранеле’ фановите”, рече таа. “Но, секогаш слушаме, и што велат фановите секогаш ќе диктира што ќе користиме. Каде ќе биде насочена страста, одиме таму”.
Вечерните ток-шоуа “имаат еден тон идеи кои провејуваат, додека шоу како NCIS или некој по процедурален тип на шоу ќе има помалку варијации”, истакна Марк ДеБевоис, EVP и GM на CBS Interactive.
За настани како Греми наградите, тимот на CBS држи око на тоа на што, и на кој изведувач, гледачите реагираат најмногу, и ги усогласуваат своите хаштази соодветно. “Одбираме работи од етерот и ги ставаме на екран”, рече ДеБевоис. “Тоа функционира подобро за настани како Греми наградите каде што се трудиме да искористиме нешто од изведувачите”.
Немојде да бидете премногу паметни.
После малото хаштаг-лудило изминатите години, прикачувајќи многу чудни хаштази кон некоја епизода, маркетерите почнаа да се одалечуваат од тоа, во корист на тоа да ги остваат фановите да избираат.
“Мразам трик-хаштази. Навистина. Не мислам дека се спонтани и оригинални.”, рече Рик Хашкинс, EVP на маркетинг и дигитални програми на The CW, додавајќи дека неговата мрежа малку отстапила во зенитот на популарноста на Gossip Girl за “да ги остават гледачите да водат бидејќи така е најавтентично, тоа е начинот на кој зборуваат со своите пријатели, и ние сакавме да зборуваме со нив како со пријатели наспроти тоа да им се обраќаме како студио или шоу”.
Друг проблем со трик-хаштазите: “Тие понекогаш се предолги”, рече Мохан. “Понекогаш пократко е подобро – премногу букви, сите измешани, не мора да биде загатка! Траба да се чита и преведува брзо.”
Оставете го гледачот да биде ваш водич.
Маркетинг тимот на The CW не ги наметнува своите хаштази на гледачите, наместо тоа ја остава публиката да одлучи кои ќе доминираат во комуникацијата на социјалните медиуми.
“Така изгледа најоргански и не изгледа наметнато со сила”, рече Хашкинс, чиј тим ги следи сите коверзации на социјалните медиуми поврзани со некоја епизода, приклучувајќи се на хаштази кои генерираат импулс и ги вклучува во таа или следната епизода. “Она што не сакам да правам е да ставам хашатази кои јас сметам дека се совршени и таа работа му ја препуштам на гледачот, бидејќи тие се тие кои ќе ги употрбуваат повеќе од нас”.
Најчесто, најпопуларните хаштази создадени од фановите вртат околу два лика кои се ‘спакувани’ во некаква романтична врска. “Тие ги смислуваат имињата за некоја совршена врска, а ние постојано ги користиме”, рече Хашкинс.
Како пример, ликовите од Arrow Оливер Квин и Фелисити Смок станаа #Olicity. “Така она што правиме е им го враќаме назад: Вие го смисливте ова, што мислите за тоа? Оние за врски се најзабавни, и тие се тие кои ваќаат најголем ‘корен’ бидејќи луѓето можат да додаваат кон тоа, да го менуваат или да не се согласуваат”, додаде Хашкинс.
Хаштазите инспирирани од романтични врски се меѓу најпопуларните хаштази на CBS, за парови како #Lenny (Leonard и Penny од The Big Bang Theory). За минатата сезона на драмата Scorpion, CBS побара од фановите да одлучат дали Хепи Квин и Тоби Куртис треба да се викаат #Quintis или #Tappy (тие одлучија #Quintis).
Квалитетот секогаш го надвладува квантитетот.
Публиката не сака да биде преоптоварена со повеќе хаштази за време на некоја епизода. “Верувам дека помалку е повеќем бидејќи мислам дека автентичните конверзации се надградуваат кога имате само еден или два, и да го оставите гледачот да го фати кормилото”, рече Хашкинс. “Мислам дека ако имате премногу различни конверзации, тие се кратки и не можете да ги искористите во целост”.
Мохан се согласи: “Мислам дека постои еден главен хаштаг и неколку помали, но не мислам дека користиме повеќе од два или три по епизода. Три би биле за некоја многу специјална пригода.”
Трендот не е се’.
Додека трендингот на Твитер е се’ уште важен за некои ТВ мрежи – “Секогаш сме таму за да ги следиме трендовите” рече Мохан – други го имаат поместено својот фокус настрана од тоа.
“Она што гледаме сега е дека можеби не постои различна корелација помеѓу трендингот и рејтинот”, рече Хашкинс. “За мене, поважно е да бидеме интерактивни со пибликата и да ги привлечиме да учестуваат во гледањето во живо и да направиме да се чувствуваат каде да се дел од шоуто”.
Секогаш бидете насочени кон нови фанови.
Кога смислувате хаштаг, “тематски, се обидувате да се вклопува во серијата, но обидувајте се да допрете и до другите фанови кои не гледаат во моментот. Така се обидувате да бидете паметни во врска со содржината, но да ја напривете толку широка да може да допре и до други”, рече ДеБевоис. “Тоа е потешко од само користењето на името на некој лик или насловот на таа епизода.”
Бидете одлучни, и сепак пргави.
“Треба да бидете многу пргави бидејќи динамиката на публиката се менува и движи, и мора да бидете дел од конверзацијата за да држите чекор, во спротивно ќе бидете оставени назад и нема да можете да имате корист”, рече Хашкинс, кој го охрабрува својот тим за социјални медиуми да го направи “скокот на вербата” и да одлучат кој хаштаг генериран од фановите да го туркаат на публиката. “И ако не функционира, ќе го менуваме се’ додека не најдеме нешто што ќе функционира.”
Користете го Твитер како ваша гласачка кутија.
Маркетерите истотака инкорпорираат хаштази во Твитер анкети. “Дефинитивно употребуваме гласање на социјалните медиуми”, рече ДеБевоис. Во јануари 2013, CBS ги остави гледачите да го одберат крајот на една Hawaii Five-O епизода со гласање преку хаштаг за еден од три виновници: #theBoss (одбран од гледачите од Источниот Брег), #theStuden (избран од Западниот Брег) или #theTA.
USA го направи тој чекор повеќе за 100-тата епизода на Psych во март 2013, која беше тематски-загонетна. Dunkin’ Donuts стана стана спонзор на епизодата, и USA го инкорпорираше името на компанијата во своите ‘одбрете го виновникот’ хаштази: #PsychButlerDDit, #PsychGroupieDDit, #PsychManagerDDit, #PsychAuthorDDit and #PsychHostDDit. “Постојат голем број на начини за да се внесат и спонзорите истотака” рече Мохан.
Бидете сигурни да изгледа добро.
Конечно, изгледот на хаштагот може да биде важен како и неговата содржина. “Многу е важно и како изгледаат. Комбинацијата на големи и мали букви е многу важна”, истакна Мохан. “Има едноставност во тоа колку лесно се читливи бидејќи сакате луѓето да се поврзуваат со нив, слично како наслов”.
