Најефтината и нај ефективната стратегија за раст е одржувањето на постоечките клиенти.
За бизнисите особено за бизнисите во B2C сегментот, лојалните клиенти се повредни од новите клиенти. Дури и истражувањата покажуваат дека лојалните клиенти имаат вредност 10 пати поголема од нивното прво побарување. Овој податок значи дека бизнисите потребно е да го зголемат бројот на нивните лојални клиенти наспроти бројот на еднократните клиенти.
Трошокот за добивање на нов клиент е повисок од оној за одржување на веќе постоечки клиент, градењето на лојалноста на клиентите е неопходна за бизнисите кои сакаат да останат конкурентни на пазарот.
Кога еден бизнис има поголем број на лојални клиенти има можност своите трошоци за маркетинг да ги постави на ниво кое лесно може да се менува и да троши поголем буџет на подобрување на квалитетот на своите услуги и производи. Ова воглавно се однесува на веројатноста лојалните клиенти да пренесат пораки за вашиот бренд преку маркетинг од уста на уста (WOM), кој како и потрошувачките оценки е многу критичен за аквизиција од страна на идните потрошувачи.
Следните 4 стратегии се доста важни и можете да ги искористите ‘’паметно’’ во насока на подобрување на лојалноста на своите клиенти.
1. Подобрување на корисничкото искуство
Корисничкото искуство се рангира како една од најважните алатки за зголемување на лојалноста.
Тајната на задоволувањето на вашите клиенти се состои во обезбедувањето на супериорното корисничко искуство.
Истражување спроведено од страна на Канцеларијата за потрошувачки прашања на Белата Куќа дошло до податок дека 80% од потрошувачите во САД се подготвени да платат повисока цена со цел да добијат подобро корисничко искуство.
Преку подобрување на искуството и сатисфакцијата пренесена на потрошувачите, ги елиминирате можностите истите да бидат придобиени од страна на вашата конкуренција. Во добата на зголемената свесност околу корисничкото искуство, потрошувачите се свесни за моќта која се наоѓа во изборите кои тие секојдневно ги прават. Искористете ја оваа можност во ваша корист- како ваша предност.
2. Зголемете го моралот на своите вработени
Перформаност на вашите вработени ќе влијае врз искуството на клиентите кога тие стапуваат во бизнис односи со вашата компанија. Ова е од особено големо значење за компаниите каде вработените имаат за цел да одржуваат константен контакт и легуваат во интеракција со потрошувачите што е случај со индустријата за храна и луксузни производи.
Начинот на кој вашиот кадар ја гледа својата работа ќе влијае врз начинот на кој тој ќе се однесува кон вашите клиенти. Во овој дел од големо значење се стратегиите за поттикнување на моралот започнувајќи од обуки за унапредување на нивните бизнис вештини како и пренесување на кориснички искуства од самите потрошувачи до кадарот во однос на степенот на сатисфакција од компанијата за кој тие успеале да дадат свој придонес.
Daniel Carter, основач на CrusieNewPortBeach, компанија од индустријата за луксузно патување споделува искуство од тренинзите на своите вработени за начините за интеракција со клиентите од кои всушност најголем бенефит имала самата компанија. ” На сите свои вработени им овозможивме да поминат низ тренинзи за справување со корисничките барања пред да им ја довериме улогата за директно стапување во контакт и интеракција со нашите клиенти.”
Иако оваа стратегија може да биде доста бавна, особено за бизнисите кои имаат потреба од голем број на човечки ресурси- резултатите покажуваат дека истата е исплатлива.
3. Прикажете ја успешната приказна на своите клиенти
Оваа стратегија функционира двонасочно и делотворно. Успешните кориснички приказни може да влијаат како стратегија за приближување на нови клиенти за вашиот бизнис. Кај постоечките клиенти ова може да придонесе кон креирање на нова повисока вредност – тие да се чувствуваат ценето доколку ја споделите нивната успешна приказна на вашиот компаниски веб сајт или на страница на социјалните медиуми што би довело до нивно мотивирање и зголемување на нивната доверба.
4. Програми за лојалност
Наградете ги своите клиенти за нивната лојалност- ова е уште една стратегија која успешно можете да ја имплементирате. Целта на ваквиот тип на програми е да ги наградите своите клиенти кои често прават нарачки. Можете да постигнете истите да ви станат клиенти кои ‘’често ќе доаѓаат на вашата врата’’ доколку ги таргетирате со вистинската програма за лојалност. Некои од овие програми можат да бидат креирани во форма на програми за заработка на поени со секоја направена нарачка која истите можат да ја искористат во форма на обезбедување на добра или услуги од вашата компанија.
За крај.., да се задржи еден лојален клиент е поважно отколку да се заработат два нови краткорочни клиенти. Со користењето на вистинските стратегии за обезбедување на довербата и лојалноста на своите клиенти, ќе успеете да го одржувате профитот на вашиот бизнис без да имате потреба од високи трошоци за маркетинг.
