Од видеата во живо до интерактивните кампањи на отворено, магазинот Marketing Week ги предвидува четирите трендови кои ќе го променат медиумскиот спектар во текот на оваа година.
1. Емитување во живо
Брендовите ќе пристапат кон емитување на видео во живо. Досега тоа се применуваше како експеримент или маркетиншки трик, но во иднина има голема тенденција да стане редовна тактика во рамките на нивниот маркетинг арсенал.
Очекувајте оваа стратегија да доминира во 2017 година, затоа што “LIVE” видеата на социјалните платформи со брзиот раст на смартфон корисниците и популарноста на сервисите за емитување во живо стануваат достапни на сите поголеми социјални медиуми.
Facebook имаше силна мултимедијалната рекламна кампања за да ги промовира своите услуги за емитување во живо кон крајот на минатата година, додека неговата сестринска компанија Instagram додаде функционалност за видео во живо на крајот од ноември.
Twitter неодамна потпиша доживотен договор за да емитува 10 НФЛ натпревари бесплатно низ целиот свет, претворајќи ја платформата во ТВ сервис за емитување на програма во живо. Во меѓувреме новиот производ Spectacles на Snapchat беше комплетен хит затоа што се промовираше со видео во живо од хирург кој ги носеше очилата за време на операционен зафат.
Веќе постојат знаци дека брендовите ги користат видеата во живо за пософистицирани маркетинг цели како што е на пример лансирање на нови производи. Во декември, Xbox ја искористи новата Periscope Producer алатка на Twitter за да го емитува новиот трејлер за новата игра со емитување во живо кое привлече повеќе од 300.000 гледачи. Алатката им овозможува на брендовите и медиумските организации да креираат високо квалитетни видео содржини, а не само снимки за телефон или таблет. Шефот на бренд стратегијата на Twitter, Eimear Lambe изјави дека компанијата очекува да работи со издавачите “на еден поширок спектар на пренос во живо ” следната година.
Онлајн емитувањето во живо исто така се користи во рамките на традиционалните ТВ реклами. Минатата година Virgin Holidays креираше ТВ реклама живо со собирање на снимки во живо од 18 локации во рамките на 60 секундниот спот.
Преку ваквите примери се потенцираат можностите, брендовите да создадат интеракција и возбуда помеѓу корисниците на ТВ во живо со различни моменти како што се спортски настани или релани шоу програми како што е примерот со X Factor.
2.Поголема транспарентност во медиумското купување
Загриженостa во врска со недостатокот на транспарентност во медиумското купување достигна теренска треска минатата година. Во инкриминирачкиот извештај, Здружението на национални адвертајзери (ANA) во САД наиде на широка палета на докази за сопствениците на медиумите кои им плаќаат попусти на агенциите базирани на износите кои што тие ги трошат. Тоа сугерира дека многу агенции избираат да купуваат медиумски простор кој не се усогласува со стратегиите на нивните клиенти, како резултат на овие финансиски стимуланси.
Во извештајот следуваше и предупредувањето од страна на трговското тело ISBA на Велика Британија, за недостатокот на транспарентност во онлајн медиумското купување, особено во поглед на гледаноста на рекламите, безбедноста на брендовите и измамата со кликовите на рекламите. Директорот за консултантски услуги и најдобри практики на ISBA, Debbie Morrison изјави за Financial Times : “Јас не верувам дека [медиумски агенции] повеќе го имаат најдобриот интерес за своите клиенти.”
“Ќе гледаме нов транспарентен начин на тргување помеѓу издавачите и агенциите, проследен со желбата за пронаоѓање на повеќе релевантни податоци”.
– Hamish Nicklin, Guardian News & Media-
Hamish Nicklin, главен службеник за приходите во Guardian News &Media, смета дека подобрување на транспарентноста на податоците ќе биде клучен тренд во 2017 година.
Тој забележува дека во моментов се потпираме на “непроверени и нетранспарентни извори на податоци”, неподготвеност меѓу носителите на податоци, ослободување на премногу информации и “незрелост” во начинот на кој се користат податоците. “Во 2017 ќе гледаме потранспарентен начин на тргување со податоците помеѓу издавачите и агенциите поради потребата за порелевантни податоци што точно им овозможува на агенциите да го ценат квалитетот на контекстот и животната средина заедно со квалитетот на публиката “, вели тој. Nicklin верува дека ваквите промени ќе бараат “масовно чистење на синџирот на снабдување на тековите на рекламите ” помеѓу двата извора- и оној на понудата и оној на побарувачката. “Ова ќе обезбеди многу поефективен начин на планирање на кампањи, утврдување и оценување на успехот”, објаснува тој. “На крајот на краиштата, тоа ќе им овозможи на програмските купувања да се движат едноставно од сервисирање на потребите за директен одговор на адвертајзиногот а воедно и давање на ефикасна поддршка за оние кои сакаат да изградат брендови.”
3. ‘’ Перцепции надвор од дома ‘’
Позитивните перцепции за огласувањето “надвор од дома“ (OOH) се префрлија и во 2016 година, како што брендовите откриваа нови начини на користење на медиумот. Наместо едноставно да ја подигнат свеста, рекламите на отворено беа користени за да се едуцира и информира јавноста и да ја вклучи во едно ново искуство со брендот. Брендовите беа иновативни со своето ”појавувањето на јавни места”, како што беше примерот на Sony со JCDecaux во Ватерло станица во Лондон со цел да се испромовира објавувањето на новиот Ghostbusters филм, или пак да го земеме во овој дел и примерoт со користењето на ” обратни графити ” од страна на Financial Times со цел да се обрне посебно внимание на претседателските избори во САД.
На пазарот започнаа да откриваат нови начини на кои рекламирањето на отворено влијае на однесувањето на потрошувачите. Една студија на истражувачката група Ipsos Mori и OOH индустриското тело Оutsmart, откри дека луѓето кои виделе OOH реклама имаат 17% поголеми шанси да комуницираат со брендот или да имаат некаква интеракција со кампањата преку својот мобилен уред, за разлика од оние кои неја виделе. Истражувањето исто така вклучувало следење на однесувањето на самите мобилни уреди на учесниците, комбинирајчи ги добиените податоци со податоци за локации од каде се следеле OOH сајтовите.
Повеќето маркетинг компании имаат за цел да ги искористат предностите на овој пристап во 2017 година преку поврзување на нивните мобилни стратегии со OОH кампањата.
Технологијата како што e near- Field Communication (NFC) и интерактивните екрани на допир веќе го менуваат начинот на кој луѓето се поврзуваат со надворешно рекламирање, но повеќе брендови ќе експериментираат со формати на реклами од моделот на Ooh – и истите ќе ги насочат кон мобилни стратегии во 2017 година.
4. Стратегии за појава на повеќе социјални медиуми одеднаш
Бројни трендови ги поттикнуваат брендовите да размислуваат помалку да се насочуваат кон одредени медиуми и наместо тоа да креираат содржини и корисничко искуство. Желбата за постигнување на синхронизација преку ТВ, десктоп, мобилни и надворешни дигитални екрани резултира со креативни решенија кои веднаш се преносливи на различни канали.
На пример, многу брендови денес прават онјалн видеа кои функционираат како ТВ реклами и обратно.
Ова вклучува и реклами со мали трошоци во кои се појавуваат вистински луѓе во вистински ситуации кои брендовите може да ги креираат брзо и одговорно. Многу често, денес брендовите користат дигитални кампањи на отворено кои се споделуваат на нивните страници на социјалните медиуми со цел да поттикнат вклученост. Спонзорите на спортски настани ваквиот тип на активности го подржуваа фрекфентно во 2016 година.
Брендовите сакаат да развијат стратегии кои ќе им помогнат да се појават на повеќе медиумски платформи забрзано со една егзекуција. Овој тренд се појавува заради трендот на раст на медиумски трошоци.
Последниот извештај на IPA Bellwether прогнозира дека трошоците за реклами во 2017 ќе опаднат за 0.7% како што ќе се намалуваат и иневстициите во бизнисот проследени со несигурноста која расте околу Brexit.
Добивањето повеќе за помали влогови ќе биде императив во 2017 година.
Брендовите исто така во 2017 година ќе ги имаат во предвид и новите технологии и нивното влијание на потрошувачите. Со лансирањето на домашните конектирани хабови на Amazon и Google – кои се контролираат со гласовни команди со цел да контролираат гласовно одредени производи и услуги соновачот на SharpEnd- Cameron Worth најавува “0 user interface”. Овие предвидувања се однесуваат на стапката на пораст на адаптација на оваа технологија која се заканува дека ќе ги редуцира интеракциите со екраните во насока на промовирање на машините за гласовни контроли.
