Колумна на Никол Родригез, првично објавена на PRDaily. Таа е основач и CEO на NRPR Group, првата ПР агенција во Беверли Хилс, Калифорнија. Таа е публицист и експерт за маркетинг на социјални медиуми со 15-годишно искуство. Има работено на кампањи за Yahoo!, Dolby, Sony Pictures Entertainment, Hulu, Demand Media, MobiTV и Oakland Raiders.
Само поради тоа што некој клиент има пари не значи дека треба да го прифатите. Во моето долгогодишно искуство во дигитален маркетинг и односи со јавноста, научив на потешкиот начин дека не сите пари се добри пари. Научив од неколкуте мои грешки. Ги забележувам предупредувачките знаци пред да потпишам договор, бидејќи секогаш постојат знаци на предупредување.
Некои од вас знаат за што зборувам: клиентите кои сакаат се’, или кои не знаат што сакаат, или повеќе не го сакаат она што го сакале откако ќе го добијат, или премногу зборуваат, а ништо не реализираат. Подвлеков пет типови кои ќе сакате да ги држите надвор од своите листи на клиенти – за доброто на вашиот тим, на вашите врски со медиумите, и на вашиот разум. Ако ги забележите овие, бегајте. Можеби ако бидат одбиени од доволно агенции ќе се освестат.
1) “Направи се“ его-манијаците
Едноставно кажете не на потенцијалните клиенти кои ви кажуваат дека можат да ја работаат вашата работа подобро од вас, но ве најмуваат бидејќи се премногу зафатени и нивното време е премногу вредно. Не сакате клиент кој ќе ви кажува како да ја работите вашата работа, или некој кој постојано ќе ве критикува и нема доволно да ве цени. Овие клиенти ги ставаат прстите врз целата пита, јадат две парчиња, и потоа ви кажуваат што не е во ред со питата. Вашите шанси да ги направите овие клиенти среќни се минимални, и работатат која ќе ја вложите ќе чини многу повеќе отколку што ќе платат.
2) Отсутните, постојано зафатени
Кажете не на френетичните потенцијални клиенти – “Ние го лансираме нашиот прозивод следниот месец и потребна ни е покриеност за вчера!” – кои ги снемува кога имате прашање за целите, или кога сакате да договорите состанок за предлози. Тие се секогаш тешко достапни. Прифаќајте само клиенти кои возвраќаат на повици, одговараат на имејлови, и даваат навремени информации. Делата зборуваат погласно од зборовите. Не паѓајте на убави зборови или ветувања за лесни пари од шармери кои уште на почетокот не доставуваат. Тие нема да се појавуваат на состаноци; ништо нема да биде завршено и вашиот стрес ќе оди до небото.
3) Директори желни за слава
Кажете не на потенцијални клиенти кои сакаат од вас да направите да “изгледаат паметно” на социјалните медиуми и кои единствено сакаат покриеност во медиуми од ‘прв ранг’. Ако немаат ништо интересно да кажат, нешто што само по налог би било цитирано во Wall Street Journal или AdWeek, не ги прифаќајте. Тие се повеќе загрижени за слава отколку добар ПР. На овие клиенти не им е грижа што некој специјализиран медиум од индустријата ќе има поголем ефект од Wall Street Journal кај таргетираната публика. Или дека, за да се најдете во медиуми од ‘прв ранг’, вие најпрвин треба да пишувате во медиуми од втор и трет ранг за да се докажете. Малите медиуми се под нив; нивните очекување никогаш нема да бидат исполнети, и тие се внатре поради погрешни причини. Имаме работено со вакви луѓе. Воопшто не се забавни!
4) Трагачот по продажби
Кажете не на потенцијалните клиенти кои велат дека во најмуваат да ги водите односите со јавноста за да ги зголемите нивните продажби. Тие сакаат ПР компанија која ќе игра улога на продавач. Пред да им кажете ‘фала, ама не фала’, ставете им до знаење дека ПР значи Односи со јавноста и дека примарнате цел е да се изгради доверба и да се одржат подажбите, не да ги зголемуваат. Е, ако пак тоа се случи, тоа е шлагот на торатата.
5) Колебливиот носител на одлуки
Кажете не на потенцијалните клиенти кои не даваат јасни одговори на јасни прашања во врска со нивните бизниси, зошто се вредни за вести, или што ги прави да бидат лидери. Колебливите носители на одлуки сакаат да се слушаат себе како зборуваат, но не сакаат кога ги ‘вагате’ нивните зборови дали се вредни и за кого се вредни. Тие бараат оправдувања за својата колебливост. Кога нивната работа е да донесуваат одлуки, вие сте во ‘каша’. Вие нема да можете да ја отелотворите нивната визија за нивниот производ бидејќти тие не можат да се посветат на една визија доволно долго за таа да стане хаштаг, а камоли бренд. Вие ќе бидете присилени постојано да менувате позиции и да барате нови медиуми.
Направете услуга на вашата фирма. Кажете не на клиенти кои никогаш нема да ви дозволат да им помогнете или во целост да го искористите талентот на вашиот тим. Пренесете им ги на тимот овие предупредувачки знаци и охрабрете ги да ги препраќаат проблематичните клиенти на друго место. Вашата работа е доволно тешка и без нив.
