Основачот на Likeable Dave Kerpen лично одговара на илјадници Твитови, е-мајли и пораки секојдневно. Дали би рекле дека е лудо или генијално тоа што го прави?
Пред да започне да дели совети за претприемачи на конференцијата GrowCon во Њу Орлеанс, Dave Kerpen, директор на Likeable Media а сегa и основач на Likeable Local, разјасни неколку нешта околу социјалните медиуми помеѓу кои и тоа дека социјалните медиуми не се бесплатни.
”Тие нема да ви донесат непосредни резултати, и трето нема да надоканадат за лош производ/услуга.
Доколку можете да се соочите со реалноста, тогаш спремни сте да научите како и зошто Kerpen сеуште препорачува да бидете и самите вклучени”:
1.Слушајте па зборувајте
Пред неколку години наназад, кога Kerpen во Вегас сакал да се чекира во хотел Ариа, чекајќи во долгите редици, на Тwitter објавил твит дека чекањето од 45 минути за чекирање во хотелот не е толку вредно.
Дали добил повратен одговор од Ариа? – Не! Но добил одговор од соседниот хотел Рио , каде одговорните го изразиле своето жалење за лошото искуство. Иако не отседнал во Рио хотелот, наредниот пат кога бил во Вегас го поминал во Рио. Кога пријателите го запрашале за препорака за хотел во Вегас тој имнагласил дека може да им препорача хотел кој не е многу екстравагантен но таму одговорните лица ќе ги сослушаат и ќе им излезат во пресрет на гостите.
Kerpen нагласува како Рио обрнал внимание на неговите потреби и одговорил со емпатија.
Kerpen препорачува дека без разлика во кој и бизнис да сте препораката е иста.
‘’Вашите потрошувачи ве бараат вас.’’
2.Одговорете на секого
Kerpen нагласува дека 60% од брендовите, а најмногу големите брендови не одговараат на прапања на Twitter, Facebook,или други социјални медиуми.Како резултат на тоа имате голема компетитивна предност доколку им одговарате на своите клиенти и на клиентите на другите. (Како случајот со Рио хотелот во Вегас.)
Доколку клиентот се жали не бришете го коментарот. Наместо тоа имате можност да одговорите јавно дека работите на решавањето на проблемот и дека во најскоро можно време ќе го контактирате лицето во приватна порака со цел да го поправите проблемот.
Знаеме дека компаниите ќе прават грешки. Проблемот не е кога компаниите ги прават грешките, туку кога не се извинуваат за нив.
Доколку избришете коментар со поплака на лицето кое го напишало коментарот му праќате индиректна порака дека неговото мислење не е важно за вас, а со тоа го поканувате лицето да ја пренесе информацијата до трето лице а со тоа да започне и петиција против вас – предупредува Kerpen.
Единствениот тип на објави кои треба да ги избришете од вашите страници? Несоодветните со говор на омраза и експлицитна тематика.
Кога одговарате и вие зборувајте во името на брендот – со неговиот глас, без разлика дали тоа е сериозен начин на обраќање, забавен, научен – било каков се додека е верен на она што всушност е суштината на брендот.
3.Кажувајте не продавајте
Социјалните медиуми се најмоќни кога ги користите за да раскажете лични приказни а не кога ги продавате своите производи нагласува Kerpen.
Kerpen сака често да ја раскажува приказната како тој и неговата свршеница не можеле да си дозволат раскошна свадба и како собрале $100,000 од спонзори и се венчале во Brooklyn Cyclones паркот. Оваа лична приказна успеала да му помогне да го претвори Likeable во бизнис од вредност од $7 милиони.
“Единственото нешто кое е подобро од раскажувањето на вашата приказна на социјалните медиуми е инспирирањето на вашите потрошувачи да ја раскажат таа приказна,”кажа Kerpen.
4.Бидете свои
На ова прашање, Kerpen се обрати на самитот со изрека од Oprah Winfrey, која кажува: “Немав претстава дека тоа што бев верна на себе и автентична ќе ме направи толку многу богата. Доколку го знаев тоа ќе го направев и порано.”
Kerpen нагласува: “Кога сум автентичен, кога се чувствувам ранлив, кога сум свој потрошувачите сакаат да соработуваат со мене.”
5.Рекламирајте се (подобро)
Социјалните медиуми не се само место за поттикнување на емоции, тие се место за зголемување на продажбата и зголемување на бројот на потрошувачи/клиенти.
На Facebook, не само што можете да го таргетирате својот рекламен спот пред една голема бројка на луѓе, можете и да ги таргетирате вистинските луѓе по работната функција, интересот, возраста, локацијата. Секое делче на податоци кои Facebook го добил за корисниците го користи за таргетирање. Што е подобро од добивање на милион следбеници на Facebook?
Стигнување до вистинската бројка од соодветните 1000 корисници, соодветните 100, вистинските 10, до вистинскиот корисник.
6.Подарувајте
Доколку дадете попуст од 10% тогаш работите со маркетинг, доколку дадете попуст од 50% ја намалувате вистинската вредност на нештата, но доколку го дадете нештото 100% бесплатно тогаш ќе добиете лојални потрошувачи.
Можете да подарите и добра содржина, вебинари, натписи, иформации, совети…
7.Бидете благодарни
Често заблагадарувајте им се на своите клиенти, следбеници и партнери. Во согласност со податоците на непрофитната организација DonorsChoose.org, Kerpen кажува дека од лицата кои добиле картичка со благодарност за донацијата дури 38% повторно донирале. Kerpen пишува три благодарници секој ден.
