Статија на Рене Варен, CEO и ко-основач на Onboardly, првично објавена на PR daily.
Не повторно тие. Го знаете клиентот за кој зборувам: тие ве најмуваат за експртиза, но додека да завршат со критикувањето, финалниот продукт е нешто на што не би сакале да го ставите вашето име.
Тие ги надминуваат своите временски рамки и вие ја повторувате работата за да ги задоволите нивните барања. Ако ова звучи познато, но се двоумите дали “да го повлечите чкрапалото”, оваа листа може да ви помогне да одлучите дали е време да пресечете.
- Тие ве микро-менаџираат во работа која не Ве прави горди.
Вашите високи стандарди се дел од тоа што ве прави успешни, но микро-менаџерски клиенти често ја задушуваат креативноста и ве тераат да ги компромитирате вашите стандарди.
Запамтете дека да не им беше потребна помош, тие немаше да ве најмат уште на почетокот. Ако е неопходно, потсетете ги дека вие сте експертот и имате дела со кои тоа можете да го поткрепете. Ако тие не сакаат да ја слушаат вашата експертиза, не можете да ги гарантирате резултатите кои претходно сте ги ветиле.
- Вашата кожа се ежи кога ќе го слушнете нивното име.
Ова е ваш бизнис и вие сте капетанот. Кога еден клиент ве предизвикува чувство да сакате да го напуштите сопствениот брод, време е да им речете збогум. Вие го започнавте овој бизнис до јасна визија како да направите животот да ви биде подобар.
Поставете јасни граници дека ќе ги толерирате само тие клиенти кои ја поддржуваат вашата визија за вашиот бизнис. Вие не би трошеле време со романтичен партнер кој не ги поддржува вашите соништа, и истото треба да важи и за клиентите.
- Тие никогаш не ве прашуваат за вашето мислење.
Оваа поента е вредна да се повторува: Ако на вашиот клиент не му беше потребна вашата помош, немаше да ве најмува.
Во секој случај, ќе постојат некои кои се убедени дека тие се попаметни и подобри од вас, што е многу лош работен однос. Можеби тие ве најмиле само за да ги оправдаат своите идеи, но како прфесионалец, ваша одговорност е да ја искажете вашата загриженост и да ја понудите својата експертиза.
Ако клиентите ретко ве прашуваат за вашето мислење и немаат доверба во вашите предлози, веројатно е дека ни тие, а ни вие, нема да бидете среќни со резултатите.
- Тие не ве почитуваат.
Ако 30-минутниот разговор со клиентот кој го закажувате неделно се одлага, откажува или игнорира постојано, тоа е знак дека вашиот клиент не ве почитува.
“Првиот чекор е да почнете да фактурирате за секој откажан состанок ако веќе не го правите тоа,” напиша еден експерт за мали бизниси и CEO на CorpNet.com Нели Акалп. “После се’, вие треба да испратите порака дека вашето време е вредно.”
Ако еден клиент не го цени вашето време, веројатно е дека нема да ја ценат и работата која ја правите.
- Тие секогаш се бидуваат да ги оправдаат трошоците.
Најдобрата стратегија е да извршувате навистина добра работа. Ако вашиот клиент вели “Не ја гледам вредноста,” оставете ги. Веројатно е дека никогаш нема да бидат задоволни, оставајќи ви постојано чувство на стрес и преработеност.
Ако вашата работа е добро документирана, изработката на вашата фактура за нив би требало да биде едноставна. Ако имаат проблем со вашата цена, објаснете дека таа е базирана врз вашето искуство и дека некој со помала цена може да понуди потпросечна работа.
Во секој случај, вашата цена е договорена однапред и вие заслужувате да бидете исплатени.
- Тие не ви одговараат.
И покрај иницијалното предавање на вашиот клиент за крајните рокови и буџетот, секогаш кога ви е потребен некаков фидбек, клиентот го нема никаде.
Ако работите односи со јавноста, тогаш ја знаете вредноста на “да се биде достапен” и потребата од брзи реакции. И покрај тоа што нивното неодговарање едноставно може да значи дека тие се преморени, а не незадоволни од вашите услуги, нивната непрдвидливост може да има влијание врз вашето правилно работење.
Обидете се да најдете друг контакт кој може да ги добие одговорите кои ви се потребни и бидете целосно јасни дека овие пречки може да го загрозат крајниот рок. (Имањето на писмена трага од целата кореспонденција е клучна.)
- Повеќе не верувате во нивниот производ/услуга.
Навистина е тешко да продадете нешто во што не верувате. Понекогаш, раскинувањето со вашите клиенти може да нема никаква врска со нив. Може да е класичното “не е до тебе, туку до мене” сценарио, но вистината секогаш излегува на површина.
Ако е дојдено до точката од која не можете да го видите бенефитот од она што го нудат и имате изгубено секаква креативна сила за да правите големи работи за нив, време е да го преиспитате вашиот договор.
Клиентите имаат бројни причини за да бидат напорни. Некои се несигурни и едноставно не можат да се откажат од имањето контрола, додека друи веруваат дека тие треба да бидат ‘борбени’ за да извлечат најдобар договор.
Но разбирањето на неврозата на клиентот не значи дека мора да го толерирате. Бидете трпеливи но цврсти. На крајот, ако сфатите дека ниту една компензација нема да го направи вашиот однос издржлив, време е да продолжите понатака.
