Годинешниот Технома саем кој се оддржуваше од 15 до 19ти месецов, може да се каже дека е меѓу најдобрите досега оддржани. Почнувајќи од самиот концепт на кој се промовираше саемот, па се до екстра интересните пристапи на саемските изложувачи – овој Технома саем го красеше супер креативност. А знаете како велат во денешно време: парите се во спојот : “..каде што има малку технологија и малку креативност !“ :)
Еден од изложувачите кои несомнено предизвикаа внимание кај посетителите и медиумите секако се и Техномаркет кои убаво скоцкано во својот саемски простор успеаа да ни ја доловат сликата на еден идеален дом, на една куќа од соништата.
Направена според врвни и најмодерни дизајнерски и технолошки решенија, таа ја претставуваше совршената слика за тоа како треба да изгледа еден супер дом. Куќата е креирана од страна на познатите брендови, Техномаркет и Самсунг, а за нејзиното уредување искористени се најсовремени Самсунг производи, како и производите на Coincasa, италијанскиот бренд за уредување во домот.
Посетителите на саемот имаа можност да го прошетаат внатрешниот дел на куќата, да ги тестираат производите во неа и да бидат сведоци на оргиналната замисла, реализирана од страна на “домаќините“. Совршениот и хармоничен семеен живот во неа се потрудија да го доловат познатиот шоумен Викса, заедно со неговата колешка Викторија. Тие одлично се снајдоа во улогата на млад брачен пар кој го живее својот сон во својата куќа од соништата.
Ваквата идеја на познатите брендови се истакна по својата уникатност и оригиналност и го привлекуваше вниманието на повеќето посетители на саемот.Техномаркет и Самсунг низ многу заеднички акции и интерактивни кампањи успеваат пријатно да ги изненадат своите потрошувачи и на интересен начин да ја наградат довербата која секојдневно им е укажувана.
