Деновиве, под постојаниот компетитивен притисок, продажните тимови се соочуваат со бројни предизвици меѓу кои и ниската продажба и приходи. Без разлика дали станува збор за недоволна продуктивност, недостаток на ентузијазам, често се добива порака дека продажниот тим не ја врши добро својата работа.
Во последното истражување спроведено од страна на Oracle/Inc., SMB донесувачите на одлуки гo ставија “максимизирањето на продажните канали” како екстремно или многу загрижувачки кај околу 50% од респондентите. Во некои случаи, овие критики се сосема издржани. Во многу случаи пак, продажните лица се соочуваат со ‘’врзани раце’’ околу продажбата, затоа што не ја добиваат доволната поддршка и алатки кои им се потребни за успех.
Доколку сте сериозни за подобрување на продажбата, тогаш треба сериозно да размислите да им ги дадете потребните ресурси на вработените во одделот за продажба во вашата компанија, со цел истите да склучат повеќе продажби.
Листата на желби на тимот за продажба вклучува :
1. Покажете им ја заработката
Не постои заобиколување на овој значаен аспект на нивната работа. Парите се голем мотиватор.
Со продажен тим кој заработува процент од секоја продажба- повеќе продажби = повеќе приход на нивната сметка.
Но дали е доволно да се мотивра тимот само финансиски? Зошто да не бидете покреативни со цел подобро да ги мотивирате?
Честа жалба од лидерите на продажните тимови е дека нивните тимови не прават доволно повици или пак не трошат доволно време за да прават состаноци лице-во-лице. Инсентивите/наградите базирани на бројките, без разлика дали се направила или не продажбата, може да ја зголемат продуктивноста и да ја зголемат мотивацијата.
2. Обрнете внимание на пристапот
Премногу компании користат еден пристап за се` кога се обидуваат да го мотивираат својот продажен тим. Интересен артикл на Harvard Business Review сугерира дека компаниите треба да ја користат својата работна сила како инвестициско портфолио на кое му се потребни различни нивоа и видови на внимание. Оние кои заостануваат зад другите (‘’Laggards’’), мораат да бидат мотивирани со можности за регуларни бонуси и константно внимание, додека пак ”супер ѕвездите” ќе имаат добар перформанс дури и кога ќе ја потрошат својата мотивација.
3. Асистенција од маркетингот
Бројни истражувања демонстрираа дека содржина поттикнува се поголем број на продажби. Милениумците особено разгледуваат по блогови и бројни содржини онлајн со цел да направат одлука при купување. Кога брендовите креираат висококвалитетна содржина околу интересите на нивната публика, се овозможува креирање на лојалност кон брендот, што од друга страна генерира продажби. Во време кога содржината е круцијална, маркетинг одделите потребно е да обезбеедат најразлични видови на содржини како написи, видеа, инфографици, книги, кои може да ја помогнат продажбата и целокупниот процес околу истата.
4. ‘’Потчукнување по рамо’’
Можеби е ова мало нешто, но мало признание околу активностите може да допринесе големо задоволство и мотивација кај лицата на кои им е потребно признание околу нивната работа. Постојат бројни начини на кои јавно може да се пофали успехот и добрата работа. Бидете специфични околу комплиментите, со цел да го поттикнете посакуваното однесување.
5. Побарајте техничка поддршка
Доколку вашиот продажен тим не е вооружан со моќен и мултифункционален софтвер за корисничка поддршка (CRM), тогаш тој продава со една рака, а другата ‘’врзана зад неговиот грб’’. Доколку го поткрепите својот тим со поддршка од најсофистициран, но воедно и интуитивен CRM систем, истиот во парамтри ќе им овозможи да согледаат до каде се со својата продажба.
Помеѓу бројните бенефити од користењето на CRM се:
• Намалување на административните задачи ;
• Забрзување на процесот на планирање и менаџментот на задачите ;
• Овозможува колаборација на проекти ;
• Го следи цолокупниот систем на продажба ;
• Го олеснува и забрзува пишувањето на извештаи ;
• Обезбедува пристап до податоци, аналитика и дава преглед на резултати.
6. Мобилна продажба
Достапноста на информациите која се одвива во рамките на канцелариите е одлична, но потребно е да му обезбедите на својот тим соодветни алатки за да продава од секаде.
Не размислувајте околу трошоците, станува збор за инвестиции. Апликациите за мобилна продажба како и направите преку кои можете да имате пристап до нив, се од големо значење за тимовите за продажба кои работат од дома, постојано се на пат или пак се наоѓаат било каде надвор од рамките на канцелариите. Тие помагаат при зголемување на ефикасноста и продуктивноста, со што средбата лице во лице со клиентот ја прават поприродна и колаборативна.
На овој начин се обезбедува брз пристап до податоците, се овозможува комуникација во реално време и со членовите на тимот и потрошувачите, а воедно и се промовира продажба од било каде и било кога.
Дајте им ги на својот тим потребните алатки и вниманието кое му е потребно и го заслужува и можеби веќе ќе немате за што да се грижите и жалите…па можеби ќе имате една грижа помалку…
