Брендовите ширум светот го менуваат начинот на кој ги прикажуваат постарите граѓани.
Пример за тоа е најновиот амбасадор на брендот Reebok од Кина кој не е млад атлетичар, мускулест спортист ниту пак модел – туку станува збор за Wang Deshun, 80 годишен постар господин кој стана познат по дефилирањето на Beijing Fashion Week во 2015.
Можеби станува збор за еден од ”најкул дедовците” кој стана голема сензација ширум светот и започна да го менува начинот на кој луѓето размислуваат и гледаат на нештата. Станува збор за уште еден одличен пример за тоа дека никогаш не е доцна и никогаш не можеме да сме престари за да ги следиме своите соништа. Тој започнал да учи Англиски јазик во својата 44 година, со фитнес започнал да се занимава на 50 и на 79 години може да се гордее со својата одлична фит форма.
Wang и не е првиот повозрасен човек кој во своите 80-ти стана заштитно лице на некој бренд. Минатата година Nike на светот му ја престави 86 годишната Madonna Buder која се натпреварува на Ironman предизвиците.
Зошто брендовите користат повозрасни лица во своите бренд кампањи?
Начинот на кој брендовите ги таргетираат своите целни групи се менува. Стереотипите забрзано се менуваат кога станува збор за оваа возрасна група. Постарите лица сега се прикажани како луѓе кои се грижат за фит изглед и се активни и позитивно ‘’кул’’.
Како пример за надминување на стереотипите кога станува збор за повозрасните групи е и новата кампања на Mother London за Англиската компанија за осигурување Sun Life, каде луѓето во своите 50ти години се прикажани како луѓе кои уживаат во животот. Извршните директори на агенцијата, Hermeti и Ana Balarin, во креирањето на кампањата се фокусирале на истражувањето на Sun Life кое покажало дека повозрасните луѓе сметале дека не се доволно вклучени во кампањите на поголемиот број на брендови.
Во согласност со Terri Meyer, пак извршен директор и основач на креативната агенција Terri & Sandy, “60 тите се новите 40ти.”
Оваа демографска група не се гледа себе си како стара на оваа возраст и не се поврзува со класичните стереотипи за возрасни луѓе со седа коса. И оваа група е во тек со трендовите во полето на технологијата и има одредени аспирации.
Trevor Robinson, основач и воедно и креативен директор на Quiet Storm, верува дека проблемот кај рекламирањето во однос на овие возрасни групи се наоѓа во сегрегацијата помеѓу различните возрасни групи и генерации кое е многу често во поглемиот дел од западното општество. Проблемот во однос на ова прашање се појавува во делот со креативците во агенциите кои се прашуваат како да комуницираат со постарата генерација кога имаат многу мала социјална интеракција со нив.
“Користењето на постари лица во рекламни спотови може да е инспиративен чекор за секоја генерација’’ објаснува Balarin од агенцијата Mother London, додавајќи дека трендовите на прикажување на постари лица рефлектираат една поширока репрезентација на сите групи во индустријата.
Новата кампања креирана од FCB New York во насока на овие трендови прикажува 88-годишна возачка на амбулатно возило која сеуште им помага на пациентите и во своите 80ти и секојдневно воедно прави повеќе од 20 склекови ви војнички стил. Оваа кампања брендот ја насочил кон прикажување на секојдневни локални луѓе кои прават несекојдневни нешта во рамките на своите заедници, а годините не ги зеле како ограничувачки фактор.
Како и секој тренд сепак постои ризик истиот да предизвика презаситеност на пазарот.
“Вистина е дека користењето на повозрасни лица во реклами е нешто што е тренд во моментот и прикажува колку сте модерни како бренд. Она што ги поврзува луѓето не е нивната возраст туку нивните интереси и пасија, во голем дел тоа е приказната како и силната порака и инспирација која ќе ја пренесат без разлика за која возрасна група се работи.’’
