Градењето на успешен бренд е еден од најкритичните делови при градењето на успешен бизнис.
Со добро познат и афирмиран бренд, аквизицијата и задржувањето на постоечките клиенти е полесно, со што се овозможува и можност за наплата на премиум цени за производите и услугите, како и подобар пристап до капитал потребен за бизнисот. Без оглед на тоа, на поголемиот број на бизнис лидери им недостасува вистинско разбирање за брендирањето, што значи да се работи во вистинска или погрешна насока, како и фундаменталните влијанија кои тој процес ќе ги има врз компанијата.
Градењето на силен бренд и доследноста кон истиот ги издвојува лидерите од останатите. Силните брендови им овозможуваат исклучителни кориснички искуства на своите корисници, искуства кои се фундаментално вкоренети во мисијата и вредностите на компанијата.
Дури и да го ‘’изгубат својот компас’’ брендовите навраќајќи се на своите основни вредности, може повторно да се вратат во колосек. Пример за ова е Sturbucks.
Кога во 2008 година, по 8 години надвор од компанијата, Howard Schultz повторно се врати на позицијата на генерален директор, компанијата била во хаос. Таа толку многу се проширила, што ја загубила својата автентичност како бренд. Schultz за таа цел затвори повеќе продавници и го врати фокусот за она што брендот претставуваше на пазарот. Компанијата повторно вложува време во фокусот на она што го прави. Со цел да направат совршено еспресо, продавниците на брендот биле затворени дури и 3 цели часа се додека баристите не успеале да го добијат совршениот рецепт за кафето.
Што е она што го прави Starbucks добар? Совршената шолја кафе која можете да ја пиете кога сакате и каде сакате.
Ретко кога брендовите може да го изгубат својот пат оддеднаш. Ерозијата на еден бренд се случува од ден на ден.
Малите одлуки кои ги донесувате дневно, влијаат врз работата на вашиот бренд, но тешко е за истите да се обезбеди следливост кога ги правите нештата правилно, а кога погрешно.
Затоа еве 5 причини кои ќе ви покажат дека нештата ги правите погрешно.
- Не можете веднаш да изјавите за што се залагате
Доколку вие, вашите партнери и воедно вашите потрошувачи може да ве опишат само со еден до два клучни зборови, тогаш знаете точно кои сте на пазарот. Ова ниво на јаснотија всушност значи дека останатите ве препознаваат по нешто клучно за вашиот бизнис.
Со поголемите брендови да земеме пример: Amazon го препознаваат по комфорот на донесување на одлуки, For Walmart по ниските цени, за Tesla тоа е иновацијата. А како е познат Google?
Google широко е познат како сервис кој нуди информации од секоја сфера. Се додека Google не достигна вредност на пазарот повисока од 1 милијарда долари, никој не беше доволно запознат дека тој е сервис кој всушност е една цела маркетинг организација.
- Не сте поврзани со своите потрошувачи
Потрошувачите најдобро знаат кои сте и што правите. Доколку вашиот маркетинг Ве опишува на еден начин, a вашите потрошувачи Ве опишуваат на друг, тогаш се соочувате со вистински проблем. Брендот Comcast сака да биде перцепиран како “Comcastic,” меѓутоа на социјалните медиуми кружат информации за лошото искуство на потрошувачите со брендот што во исто време го прикажува брендот во различна слика од онаа што тој сака да ја прикаже на пазарот.
- Вашите производи не го прикажуваат вашиот бизнис
Добрите производи се добар маркетинг сами по себе.
Adidas, при соочувањето со состојба на банкрот во 1990-тите, повторно се наврати на основата на сопствениот бизнис – производството на патики оттргнувајќи се од модата и спонзорствата.
- Вашата култура на работното место не ги отсликува вредностите на вашиот бренд
Она кои сте вие зад 4 ѕида е она што вие ќе бидете и за целиот свет. Манирите на брендот потекнуваат од јадрото на компаниската култура. Не можете да тврдите дека се залагате за обезбедување на исклучителна услуга за корисниците, доколку на своите вработени им компензирате плати врз основа на цели во продажбата на пример.
- Вашиот удел на пазарот се намалува
Доколку ги губите инвеститорите, а тоа не се случува со конкуренцијата која има сличен или полош перформанс на пазарот, можеби вашиот бренд е проблемот. Tesla е компанија која често е превисоко вреднувана од останатите. Можеби, а можеби и не. Традиционалните компании се соочуваат со проблеми при добивањето на инвестиции, иако имаат високи проценти на продажба, додека Tesla не се соочува со проблеми во овој дел. Разликата помеѓу едните и другите е тоа што Теsla се обидува да го промени начинот на транспорт, една е и уникатна во својата работа, а тоа го прави со одржливи ресурси и премиум искуство за потрошувачите.
Старата школа посочува дека вашиот бренд е вашиот визуелен идентитет или пак вашите маркетинг изјави. Но вашиот бренд е многу повеќе, тој е збир од искуствата на вашите потрошувачи, партнерите и вработените. Кога вие тие збирни искуства и импресии ќе ги подобрите, вашите потрошувачи постојано ќе се враќаат кај Вас.
