Така барем одлучија властите во Шведска
Овој меме е искористено во анализата на трендовите во популарната култура, во политички контекст и во коментарите за кревката природа на човечките односи, но е сексистичко. Ова е барем мислењето на специјалното државно тело во Шведска.
Комисијата во Шведска утврдила дека сликата ја опишува жената како “сексуален предмет” и прикажува стереотипна верзија на мажите и затоа ги крши правилата кои се однесуваат на дискриминација во рекламите.
Зад оваа одлука застана претседателот, но и од сите членови на комитетот за контрола на содржини во рекламите во Шведска, а беше донесена откако 15 лица поднесоа жалба.
Мемето прикажува фотографија на маж кој гледа во девојка која поминува – на негодување од неговата девојка, а во зависност од тоа што авторот на ова меме сака да порача, се менува текстот на фотографијата.
Ширењето на оваа фотографија започна во 2017 година и за многу кратко време достигна голема популарност.
Но, кога почна да се користи од шведскиот интернет провајдер Bahnhof во Фејсбук и Инстаграм реклами, официјалните тела беа известени по поплаките од одредени корисници.
Во рекламата компанијата Bahnhof бара вработени, а сликата сугерира дека таму ќе бидат попривилегирани отколку на нивното тековно работно место.
https://www.facebook.com/B4hnh0f/photos/a.100545326741705/1464743516988539/?type=3
Самиот пост на Фејсбук доби над 900 коментари, позитивни и негативни.
– Комитетот одлучи дека жената во црвено, која претставува фокус на сликата, е претставена како сексуален објект поради реакцијата на момчето. Исто така, сликата е обезличувачка за мажите поради начинот на кој тој гледа во друга жена додека е со партнерката. Притоа, рекламата сугерира дека менувањето на партнерите е лесно како промена на работата, според изјавата во соопшението на надлежниот орган за контрола на содржината во рекламите.
