Интернационалниот фестивал за креативност, комуникации и маркетинг White Square на својот официјален веб-сајт го објави повикот за пријавување кампањи за своето единаесетто издание, кое ќе се одржи во Минск, Белорусија помеѓу 17 и 19 април 2019. Организаторите очекуваат преку 1000 пријавени кампањи од 30 држави од Европа и поранешниот Советски Сојуз.
Минатата година беше значајна за White Square – фестивалот го прослави својот прв голем јубилеј – 10 години на самоуверени победи и меѓународно признание во рамки на професионалната заедница. За време на сите десет години, фестивалот често го менуваше својот корпоративен идентитет. Но, репутацијата и почитта која во моментот ја има фестивалот покажа дека е време да се размислува за долгорочна стратегија во себепретставувањето, отсликана во бренд идентитетот. Мисијата беше завршена од страна на руската брендинг агенција Tomatdesign, чиј тим веќе има работено на идентитетот на фестивалот во 2013, 2014 и 2015.
Симболизмот на „белото“ отелотворено во името на фестивалот има за цел да ја демонстрира водечката улога на идејата во креативниот процес, маркетингот и комуникациите. Покрај тоа, концептот на фестивалот отсекогаш имал историска поврзаност со светски познатите авангардни уметници. Фестивалот White Square е симбол за креативноста во адвертајзингот. Навраќајќи се на легендарниот Казимир Маљевич и неговиот „Бел квадрат“, фестивалот ја претстави метафората „бело на бело“ во својот нов бренд идентитет кој ќе остане и во текот на следните години.
