Меѓународниот адвертајзинг фестивал посветен на здравствената индустрија Lisbon Health ги објави имињата на членовите на стручното жири кои ќе ги оценуваат пријавените кампањи за овогодинешното, второ издание на фестивалот, коe ќе се одржи на 19 септември во Лисабон, Португалија.
За претседател на жирито е избрана Памела Севиџ, креативен директор на агенцијата Area 23. Памела има 13-годишно искуство во индустријата, а започнала како маркетинг истражувач на Медицинскиот факултет при Универизтетот на Масачусетс. Таа има работено со клиенти како Cooper and Dunham, BGB New York, AgencyRx, Flashpoint Medica и JUICE Pharma Worldwide. Под водство на Памела, агенцијата Area 23 е прогласена за најдобра агенција во здравствената индустрија на Cannes Lions во 2017 година и за Агенција на годината во 2018 година.
Покрај Памела, дел од жирито ќе бидат и: Петер Игнази, глобален креативен директор во Cossette; Рената Флорио, глобален извршен креативен директор во Ogilvy Health & Wellness; Том Ричардс, генерален креативен директор во HAVAS LYNX; Стив Хамбург, генерален креативен директор во Calcium; Хозе Гончалвес, глобале извршен директор на Accenture Interactive Health; Тим Бриерли, извршен креативен директор на Grey Health Group UK; и Патриција Нуњеш Коелхо, маркетинг директор на Artsana Portugal.
За време на фестивалот, секој од членовите на жирито ќе одржи и индивидуална конференција на фестивалската сцена.
Фестивалот Lisbon Health е дел од Lisbon International Adverting Festival, посветен исклучиво на креативноста во здравствената индустрија и ќе се одржи самостојно по втор пат на 19 септември. Повикот за пријавување на кампањи е отворен до 14 јуни, а картите за учество на фестивалот се веќе во продажба преку официјалниот веб-сајт www.lisbonhealthfestival.com.
