Три од најголемите брендови на денешницата – Apple, Nike и Netflix, заедно со непрофитната организација Sandy Hook Promise, ќе се натпреваруваат за „Еми“ наградата за најдобра реклама за 2019 година.
Во изборот се најдоа две реклами на Apple, “Make Something Wonderful” од кампањата “Behind the Mac” и “Don’t Mess With Mother” по повод Светскиот ден на планетата Земја. И двата спотови се дело на агенцијата TBWA\Media Arts Lab.
Контроверзната реклама на Nike со Колин Коперник, насловена “Dream Crazy”, исто така се најде меѓу номинациите. Рекламата е создадена од агенцијата Wieden + Kennedy Portland.
Непрофитната организација Sandy Hook Promise која се бори против вооруженото насилство, во изборот за најдобра реклама на „Еми“ ќе биде застапена преку спотот “Point of View”, дело на агенцијата BBDO New York.
Стриминг-платформата Netflix ќе се обиде да ја освои „Еми“ наградата за најдобра реклама со спотот „A Great Day In Hollywood“ на агенцијата Kamp Grizzly, која ги слави различностите во филмската индустрија.
Наградата за најдобра реклама на минатогодишните „Еми“ ја освои P&G со „The Talk“, која се осврнува врз предизвиците со расната нееднаквост во САД.
